GÉNESIS 39:11 - Dios Rimashcata Quillcashcami

¹¹ Shuc punzhaca, Joseca pai imata ruhuana cashcata ruhuangapacmi, chai huasiman yaicurca. Chai huasipi causaccunaca tucui illarcami.

GÉNESIS 39:11 Iomraidhean Croise

GÉNESIS 39:10

Chai huarmi Joseta punzhanta ñucahuan sueñui nicucpipish, Joseca mana sueñusha nishpami, paipac ladopi canallatapish mana munarca.

GÉNESIS 39:12

Chaipimi chai huarmica Josepac churanapi japirishpaca: —Ñucahuan sueñuiyari— nirca. Chashna ruhuacpimi, Joseca paipac churanata chai huarmipac maquipi saquishpa, llucshishpa callparca.

JOB 24:15

Huainayashpa causaccunaca tutayacta shuyashpami: “Pi mana ricungachu” yuyashpa, ñahuita tapashpa llucshin.

PROVERBIOS 9:17

«Shuhuashca yacuca mai sumacmi. Tandata pacallapi micunaca mai mishquimi» ninmi.

JEREMÍAS 23:24

¿Maijanpish ñuca ñaupamantaca miticui pudingachu? ¿Manachu ñucaca tucui jahua pachapipish, tucui cai pachapipish cani?

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

EFESIOS 5:12

Paicuna pacalla imatapish ruhuashcata rimanataca pinganayanmi.

EFESIOS 5:3

Cancuna Diospaclla cashcamantaca huainayaccuna, tucuilaya millaita ruhuaccuna, mana cashpaca ashtahuan charina yuyaillami causancuna nishcapish, cancunapurapica pacta uyarishcallapish canman.