GÉNESIS 37:7 - Dios Rimashcata Quillcashcami

⁷ Ñucanchicca trigo chagra chaupipimi trigota huatacushcarcanchic. Chashna huatacucpimi, ñuca huataica jatarirca. Cutin cancunapac huataicunaca ñuca huataipac ñaupapimi muyundita cumurirca— nirca.

GÉNESIS 37:7 Iomraidhean Croise

GÉNESIS 27:29

Achca gentecuna canta servichun, jatun llactacunapi causaccunapish cambac ñaupapi cumurichun. Canmi huauquicunataca mandangui. Cambac mamapac huahuacunapish cambac ñaupapimi cumuringa. Canta maldiciaccunataca maldiciashca cachun. Cutin canta bendiciaccunataca bendiciachun» nirca.

GÉNESIS 37:6

Chai muscushcata pai parlashpaca: —Cunanca, ñuca muscushcata uyaichic:

GÉNESIS 42:6

Josemi chai llactataca mandacurca. Paillatacmi tucui shuctac llactamanta shamuc gentecunamanpish granota catucurca. Chashna catucpimi, paipac huauquicuna chayashpaca, pambacaman cumurirca.

GÉNESIS 42:9

Chaimantami Joseca paicunamanta muscushcata yuyarishpaca: —Cancunaca pacalla ricushpa puriccunami canguichic. Cai llactaman ima shina yaicunata ricushpami puricunguichic— nirca.

GÉNESIS 43:26

José huasiman chayamucpica, paicuna apamushca convidanacunata apamushpami, paipac ñaupapi pambacaman cumurirca.

GÉNESIS 43:28

Shina tapucpimi paicunaca: —Canta servic ñucanchic taitaca allillami, causacunracmi— nirca. Shina nishpami, cungurishpa cumurircacuna.

GÉNESIS 44:14

Judaca José huasipi cacpiracmi, paipac huauquicunahuan chayarca. Chashna chayashpami, Josepac ñaupapi pambacaman cumurirca.

GÉNESIS 44:18

Judá Josepacman cuchuyashpaca: —Ñuca mandaclla, canca Faraón shinallatacmi cangui. Chaimanta canta servic ñucami, can mandac-huan ashata parlasha nini. Canta servic ñucata ama piñarishpalla caita uyai.

GÉNESIS 44:19

Can mandacmi canta servic ñucanchictaca: “¿Cancunaca taitata, mana cashpaca shuctac huauquita charinguichicchu?” nishpa tapurcangui.

GÉNESIS 50:18

Cutin Josepac huauquicunapish paipacman chayashpa, paipac ñaupapi pambacaman cumurishpaca: —Cunanca, canta servingapacmi caipi canchic— nirca.

FILIPENSES 2:10

Jesuspac shutipi, jahua pachapi causaccunapish, cai pachapi causaccunapish, allpa ucupi caccunapish tucui cungurishpa,

COLOSENSES 1:18

Cristollatacmi tandanacushca criccunataca uma shina mandacun. Tandanacushca criccunaca paipac cuerpomi can. Manarac ima tiyacpi, pai ña tiyac cashcamanta, huañushcacunapuramanta punta causaric cashcamantami, Diosca tucuipac punta cachun churarca.