GÉNESIS 36:15 - Dios Rimashcata Quillcashcami

¹⁵ Esaupac huahua huahuacunapuramanta mandaccunaca caicunami. Esaupac punta churi Elifazpac huahuacunaca: Temán, Omar, Zefo, Cenaz,

GÉNESIS 36:15 Iomraidhean Croise

GÉNESIS 36:14

Esaupac huarmi Oholibamapac cari huahuacunaca: Jeús, Jalam, Coremi carca. Oholibamaca Aná runapac ushi, Zibeonpac nietomi carca.

GÉNESIS 36:16

Coré, Gatam, Amalecmi carca. Paicunaca Edom llactapi Elifazpac aillucunapuramanta mandaccunami carca. Caicunaca Ada huarmipac huahua huahuacunami carca.

GÉNESIS 36:18

Shinallatac Aná runapac ushi Aholibamapi Esaú charishca churicunaca: Mandac Jeús, Jaalam, Coremi carca. Paicunami Anapac ushi Esaupac huarmi Aholibama charishca mandaccuna carca.

GÉNESIS 36:4

Adaca Elifaz huahuatami Esaupacta charirca. Basematca Reuel huahuatami charirca.

1 CRÓNICAS 1:45

Jobab huañucpica, temanitacunapac llactamanta Husammi paipac randi mandarca.

JOB 2:11

Jobpac quimsa ricsishcacunami chai tucui llaquita apacun nicta uyashpa, paicunapac llactamanta shamurca. Paicunamanta shucca temanitapuramanta Elifazmi carca. Caishucca suhitapuramanta Bildadmi carca. Chaishucca namatitapuramanta Zofarmi carca. Paicunaca Jobta llaquinacushpa cushichingapacmi quimsa tucushpa shamunata yuyarircacuna.

JOB 21:8

Paicunapac huahua huahuacunapish paipac ñaupapimi sinchita huiñacun. Paipac nietocunapish paipac ladopimi causacun.

JOB 4:1

Chashna nicucpimi, temanitapuramanta Elifazca:

SALMOS 37:35

Diosta mana manchac runataca yallita jatun tucuctami ricurcani. Libanopi tiyac cedro yura shina jatunyactami ricurcani.

ÉXODO 15:15

Edom llactata mandaccunaca yuyai illacmi tucunga. Sinchi Moab gentecunapish manchaihuan chucchungami. Canaanpi causaccunaca mancharishpami imata mana ruhuai pudinga.

JEREMÍAS 49:20

Edom llactapi causaccunapish, Temanpi causaccunapish Mandac Dios ima shina llaquichinata yuyarishcata uyaichicyari. Paicunapac manada ovejacunamanta ashtahuan uchillacamanmi apanga. Ovejacuna shayanacunatapish tucui urmachishpami saquinga.

JEREMÍAS 49:7

Mandac Dios Edom llactata llaquichinamanta rimashpaca: «Temán llactapica, ¿ñachu yachaccuna tucurirca? Yachaccuna cunashcacunapish, ¿ñachu tucurirca? Paicunapac yachaica, ¿ñachu huacllirirca?

EZEQUIEL 25:13

Chaimantami Mandac Dios ñucaca Edom llacta ladota maquita alzashpa gentecunatapish, animalcunatapish tucui tucuchisha. Temán llactamantaca Dedán llactacamanmi jatun macanacuita cachashpa tucuchisha.

AMÓS 1:12

Chaimantami Temán llactapica ninata churasha. Chai ninami Bosra llactata mandashpa tiyana huasicunatapish tucui rupachinga» ninmi.

ABDÍAS 1:9

Temán llactalla, cambac sinchi soldadocunapish chucchungami. Esaupac urcupi causaccunapish yallita llaqui tucushpami huañunga.

HABACUC 3:3

Diosca Temán llactamantami shamun. Jucha illac Diosca Parán urcumantami shamun. Paipac sumaimana achicca jahua pachatami tapan. Cai pachapica paita alabashcami jundan.