GÉNESIS 34:2 - Dios Rimashcata Quillcashcami

² Chashna ricpimi, chai llactata mandac heveocunapuramanta Hamorpac churi Siquemca chai solterata ricushpa, japirishpa llaquichirca.

GÉNESIS 34:2 Iomraidhean Croise

GÉNESIS 10:17

heveocunapish, araceocunapish, sineocunapish,

GÉNESIS 20:2

Abrahamca chaipica paipac huarmi Sarataca: «Ñuca panimi» nicmi carca. Chaimantami Gerar llactata jatun mandac Abimelecca Sarata apamuchun cacharca.

GÉNESIS 33:19

Chaipimi Siquempac taita Hamorpac huahuacunaman carpa huasita shayachishca allpata patsac cullquipi randirca.

GÉNESIS 34:27

Jacobopac churicunaca paicunapac pani Dinata japirishpa llaquichishcamantami chai huañushcacunapac jahuata rishpa, chaipi ima tiyashcacunata tucui shuhuashpa aparca.

GÉNESIS 34:3

Chai mosoca Jacobopac ushi Dinata tucui almahuan cuyashpami, pai rimashcacunahuan Dinapac shungupi yaicurca.

GÉNESIS 34:30

Chaimantami Jacoboca Simeontapish, Levitapish rimashpaca: —Cancuna chashna ruhuashpaca, cai llactapi causac cananeocunapac, ferezeocunapac piñanatami ñucataca ruhuashcanguichic. Cunanca piñangacunami. Ñucanchicca ashalla runacunatami charinchic. Paicuna tandanacushpa, jahualla ñucatapish, ñuca familiatapish huañuchingami— nirca.

GÉNESIS 6:2

Diospac churicunaca chai ushicuna sumaimana cashcata ricushpami, chai huarmicunapuramanta acllashpa cazararca.

2 SAMUEL 11:2

Shuc punzha ña chishiyanatami Davidca camamanta jatarishpa, pai mandana huasi alto pambapi puricushpa shuc huarmi armaricucta ricurca. Chai huarmica alajami carca.

2 SAMUEL 11:4

Chashna huillacpimi, Davidca paita serviccunata chai huarmita pushachun cacharca. Ña pushamucpica, Davidca chai huarmipi chayarircami. Chai quipaca, chai huarmica huasiman cutishpa rircallami. Chai huarmica quilla ungüi pararishca cacpi, mapa illac cangapacmi armaricurca.

2 SAMUEL 13:14

Shina nicpipish, Amnonca mana uyashpami pai ashtahuan fuerzata charishcamantaca atishpa, uyai mana uyaita Tamarpi chayarirca.

JOB 31:1

Ñuca ñahuihuan ima millaita mana ricungapacmi ari nircani. Shina cashpaca, ¿ima nishpatac, carihuan manarac chayarishca solterataca chapashayari?

JOB 31:9

Shuc huarmita ñuca shungupi munashca cacpi, shuc huarmita inquitangapac chapac cashca cacpica,

PROVERBIOS 13:20

Yachaisapa runacunahuan tandanacucca yachaisapami tucunga. Ashtahuanpish yuyai illac runacunahuan tandanacucca paipish yuyai illacmi tucun.

SAN MATEO 5:28

Ashtahuanpish ñucaca: Maijanpish shuc huarmita munashpaca, paipac shungupica ña huainayanmi.

DEUTERONOMIO 21:14

Quipata paita mana munashpaca, paita richun saquinguilla. Paita prezushpa pingaichishcamanta ama cullquipi catunguichu, ama servic huarmita shina charinguichu.

DEUTERONOMIO 22:24

ishcaitatacmi chai llacta yaicunaman llucchishpa, rumihuan shitana canguichic. Chai solterataca llactapi japiricucpi, mana caparishcamanta, cutin runataca shuc-huan cazarangapac ari nishca solterata japirishcamantami chashna huañuchina can. Chashnami cancunapac chaupimanta juchata anchuchinguichic.

DEUTERONOMIO 22:29

chai japiric runami pichca chunga cullquita solterapac taitaman pagana can. Shinallatac chai solterataca paipac huarmi cachunmi chasquina can. Chai solterata japirishcamantami tucui causaipi mana shitai pudin.

JOSUÉ 9:7

Shina nicpimi, israelcunaca heveocunataca: —Cancunaca ñucanchic chaupillapitacmi causanguichic. Shina cacpica, ¿ima shinatac cancunahuanca ari ninacushunyari?— nirca.

JUECES 14:1

Sansonca Timnat puebloman urai rishpami, chai pueblopi filisteocunapac ushita ricurca.

JUECES 9:28

Chaipimi Ebedpac churi Gaalca: «¿Ñucanchic servingapacca Abimelecca pitacyari? ¿Siquem puebloca imatacyari? Abimelecca Jerobaalpac churillami. Cutin Zebulca paita servicllami. Abimelecta servinapac randica Siquempac taita Hamorpac huahuacunata servishpa causashunchic.