GÉNESIS 33:4 - Dios Rimashcata Quillcashcami

⁴ Ashtahuanpish Esauca callpa rishpami, cungapi ucllarishpa muchashpa, ishcaitac huacarca.

GÉNESIS 33:4 Iomraidhean Croise

GÉNESIS 29:11

Shinallatac Jacobo Raquelta muchashpa, sinchita huacashpaca:

GÉNESIS 29:13

Labanca paipac panipac cari huahua shamushcata uyashpaca, callpashpami tupangapac rirca. Jacobohuan tupashpa, ucllarishpa muchashpami, huasiman pusharirca. Chaipimi Jacoboca tucui ima tucushcata parlarca.

GÉNESIS 32:11

Cunanca, ñuca huauqui Esaú shamushpa, ñuca huarmicunatapish, ñuca huahuacunatapish huañuchinatami manchani. Ñuca huauqui Esaú shamushpa, huañuchinamanta quishpichinguiyari.

GÉNESIS 32:28

Chashna nicpimi, chai runaca: —Cunanca, ña mana Jacobo shutichu cangui. Dios-huanpish, runacunahuanpish macanacushpa, mishashcamantaca Israel shutimi cangui— nirca.

GÉNESIS 43:30

Joseca paipac huauquita ricushpa, cushicuihuan huacanayai japicpimi, utcashpa paipac ucuman yaicushpa, chaipi huacacurca.

GÉNESIS 43:34

Joseca paipac platomanta micunata japishpami, paicunaman curca. Shina cushpapish, Benjaminmanca caishuc huauquicunamanta pichca cutin yallihuanmi curca. Chashnami Josehuan micushpa, ubiashpa cushicurca.

GÉNESIS 45:2

Chashna ricsichishpami, Joseca caparishpa huacai callarirca. Chaitaca Egipto runacunapish, Faraonpac huasipi causaccunapish uyarcami.

GÉNESIS 46:29

Chaita yachashpami, Joseca paipac carretata allichishpa, Gosén llactapi paipac taita Jacobota tupangapac rirca. Paipac taitapac ñaupapi ricurishpaca, cungapi ucllarishpami, unaicaman huacarca.

2 SAMUEL 14:33

Chashna nishpa cachacpimi Joabca jatun mandacpacman rishpa tucui Absalón ima nishcata huillarca. Chaita huillacpimi, jatun mandacca Absalonta cayachirca. Shina cayachicpi, rishpaca pambacamanmi jatun mandacpac ñaupapi cumurirca. Jatun mandacpish Absalontaca muchashpami chasquirca.

NEHEMÍAS 1:11

Mandac Dioslla, cantaca yallitami mañani. Canta servic ñuca mañashcatapish, cambac shutita alli ninata munac canta serviccuna mañashcatapish cambac ringrihuan uyaiyari. Canta servic ñuca alli llucshichun, chai runapac ñaupapipish alli ricurichun ayudaiyari» nishpami mañarcani. Ñucaca jatun mandacman copa vinota servicmi carcani.

JOB 2:12

Chai runacunaca carumanta ricushpaca mana ricsircacunachu. Chaimantami yallita caparishpa huacarcacuna. Paicunapac jahualla churanatapish lliquishpami, quimsata paicunapac umapi allpata shitarircacuna.

SALMOS 34:4

Ñuca Mandac Diosta mashcacpica, paica uyarcami. Ñuca manchaihuan cacpica, paica quishpichircami.

PROVERBIOS 16:7

Mandac Dios maijan runapac causaita allimi nicpica, paita piñaccunapish paihuan alli tucusha ningacunami.

PROVERBIOS 21:1

Jatun mandacpac shungu Mandac Diospac maquipica callpacuc yacu shinami. Diosmi pai munashcata ruhuachin.

SAN LUCAS 15:20

Chaimantami jatarishpa, paipac taitapacman cutirca. Ña cutimucucpica, paipac taitaca caruta shamucuctami ricurca. Chashna ricushpami, yallita llaquishpa, tupangapac llucshishpa, ucllarishpa mucharca.

HECHOS 20:37

Chai quipaca, tucui chaipi caccunami Pablota ucllarishpa, muchashpa huacanacurca.

1 SAMUEL 20:41

Chai servic huambra rishca quipami, Davidca chai ura ladopi jatarishpa quimsa cutincaman allpaman chayacta paipac ñaupapi cumurirca. Chai quipami ñahui quingraipi muchanacushpa ishcaita huacarca. Ashtahuanpish Davidmi ashtahuan huacarca.