GÉNESIS 33:14 - Dios Rimashcata Quillcashcami

¹⁴ Ñuca amolla, ñaupailla, ñucaca ñuca amo causana Seir llactaman chayangacaman huahuacunahuan, animalcunahuan allimanta shamucushallami— nirca.

GÉNESIS 33:14 Iomraidhean Croise

GÉNESIS 32:3

Chai quipami Jacoboca huillaccunata Edom llactapi cac Seir pambapi causac paipac huauqui Esaupacman cacharca.

GÉNESIS 32:4

Paicunata cachashpaca: —Ñuca amo Esautaca canta servic Jacoboca: “Labanhuanmi cunancaman causarcani.

GÉNESIS 33:13

Shina nicpimi Jacoboca: —Ñuca amolla, ñuca huahuacuna llullurac cactaca yachanguimi. Cunanlla huachashca ovejacunatapish, vacacunatapish charinimi. Chai animalcunaca shaicushpa, shuc punzhallapi tucui huañungami.

2 CRÓNICAS 20:10

Israelcuna Egiptomanta llucshimucpica, Amón llactapi causaccunapac, Moab llactapi causaccunapac, Seir llactapi causaccunapac llactacunata pasachunca, mana munarcanguichu. Ashtahuanpish paicunamanta caruta rishpa, paicunata ama tucuchichunmi mandarcangui.

ISAÍAS 40:11

Shuc michic shinami, paipac ovejacunataca michinga. Huahua ovejacunataca rigra jahuapimi apanga. Cunanlla huachashca ovejacunataca alli cuidashpami huiñachinga.

EZEQUIEL 25:8

Mandac Diosca: Moab, Seir llactacunapi causaccunaca: ‘¡Judá llactaca shuctac llactacuna shinallatacmi!’ nincunami.

MARCOS 4:33

Jesusca chimbapurashca parlocunahuanmi quishpirinamanta yachachirca. Chashna yachachicushpaca, gentecuna entendinallatami parlacurca.

ROMANOS 15:1

Ñucanchic sinchi criccunaca manarac sinchi criccuna pandaricpipish ayudanami canchic. Mana quiquinlla alli canata munanachu.

1 CORINTIOS 3:2

Cancuna chuchucuc huahuacuna lechellata micuc shina cacpimi yachacuipaclla yachaicunata yachachircani. Cancunaca manarac sinchi micuita micuc shinami canguichic Cunancamanmi, manarac sinchita micuccuna shina canguichic.

DEUTERONOMIO 2:1

Quipataca Mandac Dios mandashca shinami, cutishpa shitashca pambata Puca Cuchaman rircanchic. Shinami Seir urcuta muyushpa, yallita unayarcanchic.

JUECES 5:4

Mandac Dioslla, can Seir urcumanta llucshimucpipish, Edom pambamanta shamucpipish allpaca chucchurcami. Jahua pachamantapish tamya urmarcami. Puyumantapish tamyata shutuchircami.