GÉNESIS 32:6 - Dios Rimashcata Quillcashcami

⁶ Chai huillaccuna cutimushpaca: —Ñucanchicca cambac huauqui Esaumanca huillagrircanchicmi. Cunanca, paillatacmi chuscu patsac runacunahuan tupangapac shamucun— nirca.

GÉNESIS 32:6 Iomraidhean Croise

GÉNESIS 31:18

paipac taita Isaac causana Canaán llactaman cutingapac, Padan-aram llactapi mirachishca animalcunatapish, servishcamanta paiman cushca animalcunatapish ñanpi churarca.

GÉNESIS 32:11

Cunanca, ñuca huauqui Esaú shamushpa, ñuca huarmicunatapish, ñuca huahuacunatapish huañuchinatami manchani. Ñuca huauqui Esaú shamushpa, huañuchinamanta quishpichinguiyari.

GÉNESIS 32:7

Chaita uyashpami, Jacoboca munai manchaihuan llaquirishpa, paipac runacunataca vacacunandi, ovejacunandi, camellocunandi ishcaipi chicanyachirca.

GÉNESIS 32:8

Esaú shamushpa, shuc parteta llaquichicpica, shuc parteca saquiringami yuyashpami chashnaca ruhuarca.

GÉNESIS 33:1

Jacobo huichailla ricushpaca, paipac huauqui Esaú chuscu patsac runahuan shamucucta ricushpami, Leatapish, Raqueltapish, ishcai servic huarmicunatapish huahuandi chicanyachishpa churarca.

GÉNESIS 33:15

Shina nicpimi Esauca: —Shinashpaca, maijan ñucahuan shamuc runacunata canhuan saquisha— nirca. Shina nicpimi Jacoboca: —¿Imapactac chashna ruhuasha ningui? Ñucaca, can amopac ñahuipi alli ricurishca cashpaca cushillami cani— nirca.

GÉNESIS 33:8

Chashna ruhuacpimi Esauca: —Ñucaca cai tucuitami ricushcani. Cai tucuita tandashpa apamushpaca, ¿imatac ruhuasha ningui?— nirca. Shina nicpimi Jacoboca: —Ñuca amopac ñahuipi alli ricuringapacmi cashna apamuni— nirca.

GÉNESIS 34:11

Siquempish Dinapac taitata, turicunataca: —Cancunapac ñahuipi ñuca alli ricuricpica, cancuna imata mañashcatami cusha.

GÉNESIS 47:25

José chashna nicpica paicunaca: —¡Ñucanchicmanca causaitami cushcangui! Ñucanchicta mandacpac ñahuipica allimi ricurishcanchic. Cunanca, Faraonta servishpa causashunllami— nircacuna.

AMÓS 5:19

Chai punzhapica leonta manchashpa callpacushpaca, osohuanmi tupanga. Huasiman yaicushpa, pircapi tuparishpaca, culebrapimi taunallinga.

RUT 2:13

Shina nicpimi Rutca: —Ñucata mandaclla, ñucaca, canta servic huarmicunapuramanta maijan huarmi shinapish mana canichu. Chashna cacpipish, sumacta rimashpami ñuca shungupi cushichishcangui. Chashnami ñucaca cambac ñahuipi alli ricurishcani— nirca.

RUT 2:2

Shuc punzhami Rutca Noemitaca: —Cosechana pambaman rishpa chalagringapac ñucata saqui. Maijanpac ñahuipi alli ricurishpaca paipac huashata catishpa pallacushallami— nirca. Shina nicpimi Noemica: —Ñuca huahualla rilla— nirca.

1 SAMUEL 1:18

Shina nicpimi Anaca: —Canta servic ñucapish, cambac ñaupapica alli ricurishca cashpami alli caiman— nirca. Shina nishpaca pai maita shamushcata cutishpami micungapac tiyarirca. Chai punzhamanta pachami ña mana ashtahuan llaquilla carca.