GÉNESIS 32:4 - Dios Rimashcata Quillcashcami

⁴ Paicunata cachashpaca: —Ñuca amo Esautaca canta servic Jacoboca: “Labanhuanmi cunancaman causarcani.

GÉNESIS 32:4 Iomraidhean Croise

GÉNESIS 23:6

—Riqui, ñucanchic mandaclla, canca ñucanchicpurapica Dios acllashcami cangui. Chaimanta huañushcataca ñucanchic panteonpi allita acllashpa enterrailla. Chashna enterracpica, ñucanchicpuramanta pipish mana misangachu, pipish imata mana ningachu— nirca.

GÉNESIS 25:30

Jacobotaca: —Chai pucalla sumac micunata carai, mai shaicushcami cani— nirca. (Chaimantami Esauca Edom shutipish carca).

GÉNESIS 27:29

Achca gentecuna canta servichun, jatun llactacunapi causaccunapish cambac ñaupapi cumurichun. Canmi huauquicunataca mandangui. Cambac mamapac huahuacunapish cambac ñaupapimi cumuringa. Canta maldiciaccunataca maldiciashca cachun. Cutin canta bendiciaccunataca bendiciachun» nirca.

GÉNESIS 27:37

Shina nicpimi, Isaacca Esautaca: —Paitaca cambac amo cachunmi churarcani. Cambac tucui huauquicunatapish, paita servichunmi churarcani. Shinallatac achca trigotapish, achca vinotapish curcanimi. Ñuca huahualla, cunanca, ¿imatatac cushayari?— nirca.

GÉNESIS 31:41

Chashnami ishcai chunga huatata cambac huasipi carcani. Cambac ishcai ushimantaca chunga chuscu huatatami servircani. Animalcunamantaca sucta huatatami servircani. Chunga cutinmi umashpa mana pagarcangui.

GÉNESIS 32:18

“Canta servic Jacobomi can amo Esauman cai convidanata cuchun cachan. Paipish ñucanchicpac huashata shamucunmi” ninguichic— nishpami cacharca.

GÉNESIS 32:5

Vacacunatapish, ovejacunatapish, burrocunatapish, servic caricunatapish, servic huarmicunatapish charinimi. Cambac ñahuipi alli ricuringapacmi ñucata mandacca cashna huillachun cachan” ningui— nirca.

GÉNESIS 33:14

Ñuca amolla, ñaupailla, ñucaca ñuca amo causana Seir llactaman chayangacaman huahuacunahuan, animalcunahuan allimanta shamucushallami— nirca.

GÉNESIS 33:8

Chashna ruhuacpimi Esauca: —Ñucaca cai tucuitami ricushcani. Cai tucuita tandashpa apamushpaca, ¿imatac ruhuasha ningui?— nirca. Shina nicpimi Jacoboca: —Ñuca amopac ñahuipi alli ricuringapacmi cashna apamuni— nirca.

GÉNESIS 36:8

Shina cacpimi, Edom nishca Esauca Seir urcupi causagrirca.

GÉNESIS 36:9

Seir urcupi causac ñaupa taita Esaupac huahua huahua edomitacunaca caicunami.

GÉNESIS 4:7

Allita ruhuashpaca, ¿manachu alli nishca canguiman? Cantaca juchami pungupi shuyac shina, mana allita ruhuachicun. Chai juchacunataca canllatacmi mishana cangui— nirca.

1 REYES 20:32

Shinami sharpa churanata churarishpa, cungapipish huascahuan huatarishpa, Israel llactata jatun mandacpacman rishpaca: —Canta servic Ben-adadca: “Ñucata ama huañuchichun nishpa mañani” ninmi— nirca. Shina nicpimi Acabca: —¿Paica causacunracchu? ¡Ñucamanca shuc huauqui shinami!— nirca.

ÉXODO 32:22

Shina nicpimi Aaronca: —Ñuca amitolla, ama piñarichu. Cai gentecuna mana allita ruhuac cashcataca canllatac alli yachanguimi.

PROVERBIOS 15:1

Sumacta rimashcaca piñarishcata allichinmi. Ashtahuan sinchita rimashcaca ashtahuanmi rabiachin.

PROVERBIOS 25:15

Mandac piñaricpica, allimantallami cushichina. Sumac rimaicunaca tullutapish paquinllami.

PROVERBIOS 6:3

Ñuca huahualla, chashna cambac ricsishca runapac maquipi urmashpa llaqui tucushcamanta cachariringapacca caita ruhuai: Paipacman rishpa, paipac ñaupapi cumurishpa allichichun mañai.

ECLESIASTÉS 10:4

Mandac yallita canta piñacpipish, can imata ruhuacushcataca ama saquinguichu. Alli shungu runaca yallita piñarishcatapish parachinmi.

ISAÍAS 21:11

Duma llacta llaqui tucunamanta huillashcami. Seir llactamantaca: «Chapac runa, ¿ñachu pacarimun? Chapac runa, ¿ñachu achicyagrin?» nishpami caparirca.

SAN LUCAS 14:11

Maijanpish “allimi cani” nictaca, “mana allichu cangui” ningami. Maijanpish “mana allichu cani” nictaca, “allimi cangui” ningami» nirca.

1 PEDRO 3:6

Sarapish paipac cusa Abrahamta cazushcamantaca, “ñucata mandac” nicmi carca. Cancunapish tucui imatapish allita ruhuashpa, imata mana manchashpaca, Sara huarmipac huahuacunami tucunguichic.

JUECES 5:4

Mandac Dioslla, can Seir urcumanta llucshimucpipish, Edom pambamanta shamucpipish allpaca chucchurcami. Jahua pachamantapish tamya urmarcami. Puyumantapish tamyata shutuchircami.

1 SAMUEL 26:17

Shina nicpimi, Saúl David rimashcata ricsishpaca: —Ñuca huahua Davidlla, ¿manachu can rimaricungui?— nirca. Shina nicpimi Davidca: —¡Ari, ñuca amo jatun mandaclla! ¡Ñucallatacmi rimaricuni!— nirca.