GÉNESIS 32:30 - Dios Rimashcata Quillcashcami

³⁰ Chaimantami Jacoboca chai pambataca: «Diosta ñahui ñahui ricurcani, ñuca almatapish cacharichircami» nishpami «Penielta» shutichirca.

GÉNESIS 32:30 Iomraidhean Croise

GÉNESIS 16:13

Agarca paihuan rimacuc Mandac Diostaca: «Ñucata ricuc Diosmi cangui» nishpami shutichirca. Shinallatac: «Chaica, ¿manachu ñucata ricuc Diosta ricuni?» nirca.

GÉNESIS 28:19

Shina ruhuashpami, Jacoboca chai pambataca Bet-eltami shutichirca. Ñaupaca chai pambapi tiyac puebloca Luz shutimi carca.

GÉNESIS 35:9

Jacobo Padan-arammanta cuticucpimi, Dios cutin ricurishpa, paita bendiciarca.

1 REYES 12:25

Jeroboamca Efraín urcupi cac Siquem pueblota cutin allichishpami chaipi causai callarirca. Chaimanta llucshishpaca, Penuel pueblotami allichirca.

ÉXODO 33:14

Shina nicpimi, Mandac Diosca: —Ñucallatacmi canta pushashpa, cancunata samachisha— nirca.

ISAÍAS 6:5

Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.

ISAÍAS 9:5

Jatun macanacuipi soldadocuna chaquipi churarishcacunapish, yahuarpi cahuirishca churanacunapish tamo shinami rupanga.

NÚMEROS 12:8

Chaimantami paihuanca ñahui ñahui entendinallata rimani. Mana muscuipi shina ricurishpachu rimani. Paica ñucataca ñahui ñahuimi ricsin. Ñucata servic Moisesta juchanchishpa rimanataca, ¿ima nishpatac mana manchanguichic?» nirca.

SAN JUAN 1:18

Diostaca jaicapi pi mana ricushcachu. Ashtahuanpish Dios-huan causac, paipac shuclla Churimi Dios ima shina cashcataca ricsichirca. Paica Diosllatacmi.

1 CORINTIOS 13:12

Cunanca espejopi amsa amsallata ricucushca shinami, ashallata yachanchic. Shina cashpapish shamuc punzhaca ima shina cashcatatac, ñahui ñahuimari ricushun. Cunanca chaitaca mana yachanichu. Shina cashpapish, ima shinami Dios ñucata ricsin, shinallatacmi shamuc punzhaca ricsisha.

2 CORINTIOS 3:18

Chaimanta tucui ñucanchicca ñaupaman ñahuita jarcacushca pañota anchuchishca cashpami, cunanca Apunchic Jesús sumaimana cashcata espejo shina ricuchicunchic. Shinallatac punzhantami pai shinallatac sumaimana tucushpa caticunchic. Paipac Espiritullatacmi pai shinallatac sumaimana cachun, ashtahuan ashtahuan allita ruhuashpa caticun.

2 CORINTIOS 4:6

Amsamanta luz achicyachichun nishca shinami, Diosca ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

GÁLATAS 1:6

Jesucristo mai cuyashcamantami, Diosca cancunataca acllarca. Chaimantami cancuna shuctac yachachishcata catishpa, Diosmanta utca caruyacushcata yachashpaca mancharini.

EFESIOS 1:17

Diospac Espíritu yachaita cushpa alli ricuchicpi cancuna Diosta alli ricsichunmi, ñucanchic Apunchic Jesucristopac sumaimana Diosta mañacuni.

DEUTERONOMIO 34:10

Israel llactapica Moisés shina, Mandac Dios-huan ñahui ñahui parlac Diosmanta huillacca mana pi tiyarcachu.

DEUTERONOMIO 5:24

Chashna cuchuyashpaca: “Riqui, caipimi ñucanchicta Mandac Diosca paipac podertapish, jatun cashcatapish ricuchin. Nina chaupipimi pai rimashcata uyanchic. Cunan punzhami Dios runacunaman rimacpi, runacuna mana huañuc cashcatapish ricunchic.

COLOSENSES 1:15

Cristota ricushpami, mana ricsishca Diostaca ricunchic. Paica imapish manarac tiyacpi, ña tiyashca Diospac Churimi.

2 TIMOTEO 1:10

Cunanca Quishpichic Jesucristota cai pachaman cachashpami, Diosca cuyac cashcata ricuchirca. Paimi huañuita chingachishpa, quishpirinamanta huillashpa, mana chingarina causaita ricuchirca.

HEBREOS 11:27

Crishcamantami Moisesca jatun mandac Faraón piñarinatapish mana manchashpa, Egipto llactamanta llucshirca. Pipish mana ricushca Diosta ricuc shinami llucshirca.

JOSUÉ 5:13

Shuc punzhami Josueca Jericó pueblo cuchullapi cashpa huichai ricushpaca, shuc runa espadata huacaichinamanta llucchishpa, maquipi apashpa paipac ñaupapi shayacucta ricurca. Josué paipac ladoman cuchuyashpaca: —¿Canca ñucanchicpurachu cangui? ¿Mana cashpaca, ñucanchicta piñacpurachu cangui?— nishpa tapurca.

JUECES 13:17

Chaimantami Manoaca Mandac Diospac angeltaca: —Can huillashca shina pactacpi canta alli ningapac, ¿ima shutitac cangui?— nirca.

JUECES 13:18

Shina nicpimi, Mandac Diospac angelca: —¿Imapactac ñuca shutitaca tapungui? Ñuca shutica sumaimana shutimi— nirca.

JUECES 8:17

Shinallatac Peniel pueblopica jatun torreta urmachishpami, chai pueblopi causaccunatapish huañuchirca.

JUECES 8:8

Chaimantaca Peniel pueblomanmi huichai rirca. Chaiman chayashpapish, Sucot pueblopi nishca shinallatacmi nirca. Shina nicpica, Penielpi causaccunaca Sucot pueblopi causaccuna nishca shinallatacmi nirca.