GÉNESIS 32:16 - Dios Rimashcata Quillcashcami

¹⁶ Chashna acllashpaca, chican chicanta ruhuashpami, paita serviccunataca: —Cunanca, chicanta ruhuashpa cai animalcunata ñucapac caruta ñaupashpa richic— nishpami cacharca.

GÉNESIS 32:16 Iomraidhean Croise

GÉNESIS 32:15

shinallatac quimsa chunga huarmi camellota huahuacunandi, chuscu chunga vacata, chunga pactalla huagrata, ishcai chunga huarmi burrota shinallatac chunga maltón burrotami acllarca.

GÉNESIS 32:17

Ñaupashpa ric servictaca: —Ñucapac huauqui Esaú tupashpa: “¿Pitac cambac amoca? ¿Maimantac ricungui? ¿Cai animalcunataca pimantac apacungui?” nicpica:

GÉNESIS 32:20

Shinallatac: “Canta servic Jacobopish, ñucanchicpac huashatami shamucun” ninguichic— nirca. Jacoboca ñuca huauqui Esauca ñucapac ñaupata rishpa, animalcunata convidacpica, rabiata pasachishpa, alli chasquingapishchari yuyashpami, chashnaca cacharca.

SALMOS 112:5

Alli shungu runaca imatapish cushilla mañachinmi. Paita serviccunatapish cashcata ruhuashpami mandan.

PROVERBIOS 2:11

cai alli rimashcacunaca cuidangami. Cai alli yuyaicunaca allita entendichingami.

ISAÍAS 28:26

Tarpuc runataca paipac Diosmi allita ruhuanata yachachicun.

SAN MATEO 10:16

Ñucaca cancunataca ovejacunata atuccunapac chaupita cachac shinami cachani. Chaimanta cancunaca culebra shina yuyaisapa, paloma humilde caichic.

1 SAMUEL 25:19

Chai quipami chai serviccunataca: —Cunanca ñaupashpa richiclla. Ñucaca quipata catimushallami— nirca. Caitaca paipac cusa Nabalmanca mana huillarcachu.