GÉNESIS 30:43 - Dios Rimashcata Quillcashcami

⁴³ Chashnami Jacoboca yallita chayuc tucushpa, achca ovejacunatapish, servic caricunatapish, servic huarmicunatapish, camellocunatapish, burrocunatapish charirca.

GÉNESIS 30:43 Iomraidhean Croise

GÉNESIS 12:16

Faraonca Saraimantami Abramtaca cuyarca. Chaimantami ovejacunatapish, vacacunatapish, burrocunatapish, camellocunatapish, servic caricunatapish, servic huarmicunatapish curca.

GÉNESIS 13:2

Abramca yalli chayuc cashpami, curitapish, cullquitapish, animalcunatapish achcata charirca.

GÉNESIS 24:35

Mandac Diosca ñuca amomanca imatapish achcata bendiciashpami chayucyachishca. Chaimantami ovejacunatapish, vacacunatapish, cullquitapish, curitapish, servic caricunatapish, servic huarmicunatapish, camellocunatapish, burrocunatapish charin.

GÉNESIS 28:15

Ñucaca canhuanmi cani, can maita ricpipish, cuidashpami, cai allpaman cutichimusha. Can ñuca nishcata pactachingacaman cantaca manatac saquishachu» nirca.

GÉNESIS 30:30

Ñuca manarac shamucpica, ashallatami charircangui. Cunanca achcami mirashca. Ñuca shamushcamantami Diosca achcata bendiciashca. Shina cacpica, ¿ima horatac ñuca familiamanca trabajashayari?— nirca.

GÉNESIS 30:42

Shina cashpapish, tullu ovejacuna yacuta ubiangapac shamucpica, mana chai caspita churacchu carca. Chaimantami huira ovejacunaca Jacobopac, cutin tullu ovejacunaca Labanpac carca.

GÉNESIS 31:1

Jacoboca Labanpac churicuna parlanacushpa: «Jacoboca tucui ñucanchic taitapac charishcatami japishca, tucui chaicunahuanmi chayucyashca» ninacuctami yachac chayarca.

GÉNESIS 31:42

Abrahampacpish, ñuca taita Isaacpacpish manchana Dios mana ñucahuan cacpica, chushac maquitami cachanguiman carcangui. Shina cacpipish, Diosmi ñuca llaquilla cashcata, ñuca servishcata ricushpa, tuta ricurishpa, cantaca rimarca— nirca.

GÉNESIS 32:10

Canta servic ñucata cuyashpa, allicunata cuchunca, ima allita canmanca mana ruhuashcanichu. Ñucaca cai Jordán jatun yacutaca tauna caspi apashcallami pasarcani. Cunanca, ishcai pamba animalcunami ñucapac can.

GÉNESIS 32:14

Chaica, ishcai patsac huarmi chivota, ishcai chunga pactalla cari chivota, ishcai patsac huarmi ovejata, ishcai chunga cari ovejata,

GÉNESIS 32:5

Vacacunatapish, ovejacunatapish, burrocunatapish, servic caricunatapish, servic huarmicunatapish charinimi. Cambac ñahuipi alli ricuringapacmi ñucata mandacca cashna huillachun cachan” ningui— nirca.

GÉNESIS 33:11

Cai convidanacunata apamushcataca chasquiyari. Diosca ñucamanca achcata cushpami, ñucataca chayucyachirca. Imapish mana illanchu— nirca. Jacoboca chashnami Esaú chasquingacaman mañacurcalla.

GÉNESIS 36:7

Esaupish, Jacobopish mai chayuccuna cashcamantami michina pambacunapish ña mana pactarca. Chaimantami chai llactallapitac ishcaitac mana causai pudirca.

ECLESIASTÉS 2:7

Servic caricunatapish, huarmicunatapish randircani. Ñuca huasipi huacharishca serviccunatapish charircani. Shinallatac Jerusalenpi punta causaccunata yallimi vacacunatapish, ovejacunatapish charircani.

EZEQUIEL 39:10

Chai macanacunami yantaca canga. Chaimantami yantatapish mana apamunga, yuracunatapish mana pitinga. Quichuccunamantami quichunga. Shuhuaccunamantami shuhuanga. Chaitaca Mandac Dios ñucami nini.

SAN LUCAS 12:45

Ashtahuanpish chai mayordomo paipac shungupi: “Ñuca amoca mana utca shamungachu” yuyashpa, cari serviccunatapish, huarmi serviccunatapish macashpa, pailla micushpa, ubiashpa, machashpami puricunman.