GÉNESIS 30:16 - Dios Rimashcata Quillcashcami

¹⁶ Chishita Jacobo ña pambamanta cutimucpi, Lea tupangapac llucshishpaca: —Cunan tutaca ñucahuanmi sueñungui. Chaica, ñuca huahua apamushca mandragoracunata Raquelman cushpami canta mañarcani— nirca. Chai tutaca Jacoboca Leahuanmi sueñurca

GÉNESIS 30:16 Iomraidhean Croise

GÉNESIS 30:14

Trigo piti punzhacunami Rubenca mandrágora frutacunata tarirca. Chaitami paipac mama Leaman apamurca. Chai mandragorata Raquel ricushpami Leataca: —Cambac huahua apamushca maijan mandragoracunata carai— nirca.

GÉNESIS 30:15

Shina nicpimi Leaca: —Canca cusata quichushcataca, ¿manachu yuyaringui? ¿Cunanca, ñuca huahua apamushca mandragoracunatapish quichushachu ningui?— nirca. Shina nicpica Raquelca: —Can mandragoracunata cushcamantaca cunan tutami Jacobota canhuan sueñuchun cachasha— nirca.

GÉNESIS 30:17

Diosca Lea nishcata uyarcami. Chaimantami pichcaniqui cari huahuata Jacobopacta charirca.