GÉNESIS 30:1 - Dios Rimashcata Quillcashcami

¹ Raquelca Jacobopacta mana huahuata chari pudishpami: “Ñucaca Lea cashpachari alli caiman” nic carca. Chaimantami paipac cusataca: —¡Huahuata cui, mana cucpica huañugrinimi!— nirca.

GÉNESIS 30:1 Iomraidhean Croise

GÉNESIS 29:31

Mandac Diosca Jacobo Leata mana munacucta ricushpami, Leataca huahuata charicta ruhuarca. Cutin Raqueltaca huahuata mana charic pudictami ruhuarca.

GÉNESIS 37:11

Paipac huauquicunaca piñashpami, mana ricunayachirca. Cutin taitaca cai muscui imata nisha nishcatami yuyacurcalla.

1 REYES 19:4

Paica shitashca pambata tucui punzha rishpami enebro yura ucuman chayashpa tiyarirca. Pai huañunata munashpaca: «¡Mandac Dioslla, caicamanllami causanata munani! ¡Ñuca causaita quichuilla! ¡Ñucaca ñaupa taitacunata yalli ashtahuan allipish mana canichu!» nirca.

JOB 13:19

¿Pitac ñucataca juchanchishpa rimai pudin? Maijan tiyacpica ñucaca upalla saquirishpa huañushallami.

JOB 3:11

Ñucaca, ¿ima nishpatac mana huicsallapitac huañurcani? ¿Ima nishpatac mana huacharishcahuan huañurcani?

JOB 5:2

Yuyai illac runataca piñarina yuyai, shuccuna charishcata munana yuyaimi huañuchicun.

SALMOS 106:16

Carpacunapi cashpami Moisés shina casha nishpa piñarircacuna. Shinallatac Mandac Diospaclla chicanyachishca Aarontapish piñashpami rimarcacuna.

PROVERBIOS 14:30

Cushilla shunguca cuerpomanpish causaita cunmi. Ashtahuanpish shucpac charishcata munacca tullucunamanmi ungüita apamun.

PROVERBIOS 30:16

Chaicunaca Seolpish, huahuata mana charic huarmipish, mashnata tamyacpipish yacuta mana sacsac chaquiclla allpapish, shinallatac ninapish jaicapi mana: «¡Chailla!» ninchu.

ECLESIASTÉS 4:4

Shinallatac achcata trabajashpa tucui imatapish alli ruhuacpica, shuccunaca envidiashpa piñac cashcatapish ricurcanimi. Shinaca alli canapish, huairata caticushca shina yangallami.

NÚMEROS 11:15

Ñuca cashna llaquita apana cacpica, ñuca causaita quichuchunmi mañani. Cambac ñaupapi ñuca alli ricurishca cacpica, chaita ruhuailla. Cashna llaquitaca mana ashtahuan apasha ninichu— nirca.

NÚMEROS 11:29

Shina nicpimi Moisesca: —Ama ñucata llaquichichu. Tucui gentecuna Diosmanta huillaccuna cashpaca allimi canman. Paicunapi Mandac Dios paipac Espirituta churashca cacpica, allimi canga— nirca.

SAN JUAN 4:3

Fariseocuna chashna nicucta yachashpami, Jesusca Judea llactamantaca Galilea llactaman cutishpa rirca.

SAN JUAN 4:8

Chai horasca paipac yachacuccunaca micunata randingapacmi puebloman rishca carca.

1 CORINTIOS 3:3

Cancunaca cai pacha jucha munashca shina causacushcamantami, rimanacunguichic, piñanacunguichic shinallatac raquirinacunguichic. Chashna ruhuashpaca, chairac cai pacha jucha munashca shina causacushcamantami ruhuacunguichic.

2 CORINTIOS 7:10

Dios munashca shina llaquirishpaca, Diosman cutirishpa quishpirinatami japinga. Chaimantaca mana llaquirinachu can. Ashtahuanpish cai pacha munaicunamanta llaquirishpaca, huañuitami japinga.

GÁLATAS 5:21

shuccuna ama charichun nishpa munaccunami, huañuchiccunami machaccunami, yalli micunallata munaccunami, shinallatac shuctac chashnalaya mana allita ruhuaccunami. Cancunataca utcaman nishca shinallatacmi: “Chashna ruhuaccunaca Dios mandacucpica imata mana charingachu” nishpa, cutinllatac nini.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna cashpami shuccuna ama charichun munashpa, caishuc chaishuc-huan piñanacushpa causacurcanchic.

SANTIAGO 3:14

Shina cashpapish shuccuna shina casha nishpa shungupi canirishpa, quiquinlla imata ruhuashpaca ama ñucaca yachacmi cani nichicchu, shinallatac, cashcata nic huillashcatapish mana cazucunguichicchu.

SANTIAGO 4:5

Dios quillcachishcapica: «Ñucanchic shungupi espirituta churac Diosca, paipaclla causachunmi munan» nicunmi. Chaitaca, ¿yangalla cashcatachu yuyanguichic?

1 SAMUEL 1:10

Chaipimi Anaca tucui almahuan llaquirishpa yallita huacashpa Mandac Diosta mañarca.