GÉNESIS 3:8 - Dios Rimashcata Quillcashcami

⁸ Paicunaca chishi huairapi Mandac Dios huertapi puricuctami uyarca. Chaimantami caripish, huarmipish Mandac Diospac ñaupamanta chai huertapi tiyac sachapi miticugrirca.

GÉNESIS 3:8 Iomraidhean Croise

GÉNESIS 18:33

Mandac Dios Abrahamhuan parlanata tucuchishpaca, rircallami. Abrahampish pai causacushcamanmi cutirca.

GÉNESIS 3:10

Shina cayacpimi Adanca: —Huertapi can rimashcata uyashpami, lluchulla cashcamanta manchashpa, miticungapac rircani— nirca.

JOB 22:14

Jahua pachapi caiman chaiman puricushpapish, Puyu tapashca cacpica, mana ricungachu” ninguimi.

JOB 31:33

Ima millaita mana pacalla ruhuarcanichu. Mana allita ruhuashcataca ñuca shungupi mana pacarcanichu.

JOB 38:1

Chaimantami Mandac Diosca manchana huaira chaupimanta Jobta rimashpaca:

PROVERBIOS 15:3

Mandac Diospac ñahuica tucui cai pachapimi allicunatapish, mana allicunatapish ricucun.

JEREMÍAS 23:24

¿Maijanpish ñuca ñaupamantaca miticui pudingachu? ¿Manachu ñucaca tucui jahua pachapipish, tucui cai pachapipish cani?

OSEAS 10:8

Lomacunapi tiyac israelcuna juchallina altarcunapish tucuringami. Chai altarcuna jahuapica cardoscuna, cashacunami huiñanga. Chaimantami urcucunataca: «¡Ñucanchicta tapaiyari!» ninga. Cutin lomacunataca: «¡Ñucanchic jahuapi urmaiyari!» nishpa caparinga.

LEVÍTICO 26:12

Ñucaca cancunapac Diosmi casha. Cancunahuanmi purisha. Cancunaca ñuca acllashcacunami canguichic.

JONÁS 1:3

Shina nicpimi, Jonasca Mandac Diospac ñaupamanta miticushpa, Tarsisman ringapac jatarirca. Shinami Jope llactaman urai rishpa, Tarsis puebloman ric barcota japishpa, pasajeta randishpa, chai barcopi riccunahuan ringapac yaicurca. Paica Mandac Diospacmanta miticushpa ringapacmi barcopi tiyarirca.

ROMANOS 2:15

Paicunaca, paicunapac ruhuashcahuanmi, shungupi mandashcacuna quillcashca shina cashcata ricuchin. Paicunapac yuyaipimi ima alli cashcata, mana alli cashcata yachashpa, mana alli cacpica, mana allichu nin.

DEUTERONOMIO 23:14

Mandac Diosmi cancunata ayudashpa, piñaccunata cancunapac maquipi churangapac, carpa huasi chaupipi purin. Chaimantami carpa huasica Diospaclla, shinallatac chuyaclla cana can. Mapa cacpica, Mandac Diosca anchuringami.

DEUTERONOMIO 4:33

¿Shuc llactapi causaccunaca nina chaupimanta Dios rimashcata cancuna uyashca shina uyashpapish causashpa caticca tiyangachu?

DEUTERONOMIO 5:25

Shina cashpapish, cai ninapi rupashpa, mana huañushun ninchicchu. Cutinllatac ñucanchicta Mandac Dios rimashcata uyashpaca huañushunmi.

HEBREOS 4:13

Tucui Dios ruhuashcacunami paipac ñaupamanta mana pacalla can. Imapish paipac ñaupapica mana pacashcachu. Paimanmi ñucanchicca tucui imatapish huillana canchic.

APOCALIPSIS 6:15

Shinallatac cai pachata jatun mandaccunapish, soldadocunata jatun mandaccunapish, chayuccunapish, jatun pushaccunapish, serviccunapish, mana serviccunapish, tucuimi urcupi tiyac rumi jutcucunapi, shinallatac machaicunapi miticugrircacuna.