GÉNESIS 3:20 - Dios Rimashcata Quillcashcami

²⁰ Adanca paipac huarmi tucui gentecunapac mama cagricucpimi, Evata shutichirca.

GÉNESIS 3:20 Iomraidhean Croise

GÉNESIS 16:11

Cunanca, huicsayucmi cangui, shuc cari huahuatami charingui. Chai huahuataca Dios cambac llaquita uyashcamantami Ismaelta shutichingui.

GÉNESIS 2:20

Chashnami Adanca sacha animalcunatapish, jahuata volac animalcunatapish, shinallatac charina animalcunatapish shutichirca. Chashna shutichishpapish paipac allipac ayudactaca mana charircachu.

GÉNESIS 2:23

Chaimantami Adanca: «Caica ñuca tullumanta, ñuca aichamanta ruhuashcami. Paica carimanta ruhuashca cashcamantami “Huarmi” canga» nirca.

GÉNESIS 3:21

Mandac Diosca animal caramanta churanata ruhuashpami carimanpish, huarmimanpish churachirca.

GÉNESIS 35:18

Chashna nanaihuan ña huañugricushpami, chai huahuataca Benonita shutichirca. Ashtahuanpish paipac taitaca Benjamín nishpami cayarca.

GÉNESIS 5:29

Chai huahuataca: «Dios allpata mana alli nishcamanta allpapi yalli ñucanchic rigracunahuan sinchita trabajacucpimi, samachinga» nishpami Noeta shutichirca.

ÉXODO 2:10

Chai huahua huiñacpica, Faraonpac ushiman cungapacmi apamurca. Paica chai huahuataca quiquin huahua shinatami charirca. Paica: «Cai huahuataca yacumantami llucchircani» nishpami, Moisesta shutichirca.

SAN MATEO 1:21

Paica shuc cari huahuatami charinga. Chai huahuataca JESÚS shutitami shutichingui. Paimi pai acllashcacunataca juchacunamanta quishpichinga. Chaimantami chai shutica canga» nirca.

SAN MATEO 1:23

Chai huillaccunaca: «Manarac carihuan chayarinacushca shuc solterami, huicsayuc tucushpa, shuc cari huahuata charinga. Chai huahuaca Emanuel shutimi canga» nishcami. (Emanuel nishpaca: «Dios ñucanchic-huan» nisha ninmi).

HECHOS 17:26

Tucui cai pachapi causachunmi, shuclla runamanta tucui runacunata mirarirca. Paillatacmi gentecuna mashna huatacaman causanatapish, maipi causanatapish churarca.

2 CORINTIOS 11:3

Shina cashpapish ima shinami culebra paipac yachac tucushca cashcahuan Evata umashpa crichirca, chashnallatac cancunamantapish Cristota tucui shunguhuan catina yuyaita anchuchishpa, chingachinatami manchani.

1 TIMOTEO 2:13

Diosca Adantaracmi ruhuarca. Quipatami Evataca ruhuarca.

1 SAMUEL 1:20

Chashnami Ana huicsayuc tucushpa, sajuarina punzha pactacpica, shuc cari huahuata sajuarirca. Chai huahuataca: «Mandac Diostami ñucaca mañarcani» nishpami Samuelta shutichirca.