GÉNESIS 3:17 - Dios Rimashcata Quillcashcami

¹⁷ Cutin Adantaca: —Ñuca: “Cai yuramanta ama micunguichu” nishca jahua, cambac huarmi nishcata uyashpa, micushcamantami cai allpaca mana alli nishca canga. Tucui causaipimi llaquita trabajashpa, granota pucuchishpa causangui.

GÉNESIS 3:17 Iomraidhean Croise

GÉNESIS 3:11

Shina nicpimi, Mandac Diosca: —¿Pitac canmanca lluchulla cashcataca huillarcayari? ¿Ñuca ama micunguichu nishca yuramantachu micurcangui?— nirca.

GÉNESIS 3:18

Allpapica cashacuna, cardos yuracunami pucunga. Allpapi huiñashca yuracunamantami micungui.

GÉNESIS 3:6

Shina nicpimi, huarmica chai yurapi cac murutaca micungapac alli cacta, sumaimana ricunalla cacta, shinallatac yachac cangapacpish alli cacta ricurca. Chaimantami chai yuramanta japirca, micurca, cusamanpish cucpi, paipish micurca.

GÉNESIS 5:29

Chai huahuataca: «Dios allpata mana alli nishcamanta allpapi yalli ñucanchic rigracunahuan sinchita trabajacucpimi, samachinga» nishpami Noeta shutichirca.

GÉNESIS 8:21

Shina rupachicpi, Mandac Diosman mishquilla ashnashpa chayacpimi paica: «Runapac juchamantaca cai pachataca jaicapi mana llaquichishachu. Runaca huambramanta pacha millaita yuyacunllami. Shinallatac mana cunan tucuchishca shina, tucui causaita charic animalcunataca tucuchishachu.

JOB 14:1

Huarmimanta huacharishcaca, asha punzhacunallatacmi causan. Llaquicunataca yallitami charin.

JOB 21:17

¿Mashna cutinta Diosta mana manchaccunapac lamparataca huañuchishca? ¿Mana cashpaca paicunataca llaquicuna japishcachu? ¿Mana cashpaca Dios nina japiric shina piñarishpa tucuchishcachu?

SALMOS 127:2

Yangallami cancunaca utca trabajoman llucshishpa, tutayanata samaringapac cutinguichic. Micungapacllami shaicucta trabajanguichic. Diosca pai cuyashcacunataca sumactami samachin.

ECLESIASTÉS 2:11

Chashna cushicushca quipami achca shaicuihuan ñuca maqui imallata ruhuashcacuna imapac cashcata alli yuyarircani. Chashna yuyarishpami tucui chaicunaca yangalla cashcata, shinallatac huairata caticushca shina cashcata yacharcani. Chashna cashcamantaca inti achicyachicuc cai pachapica imapish yangallami.

ECLESIASTÉS 2:17

Inti achicyachicuc cai pachapi tucui imalla ruhuashcaca umata nanachinmi. Chaimantami ñuca causaitapish mana ricunayachini. Tucui chaicunata alli yuyaricpica, huairata caticuc shinami yangalla.

ECLESIASTÉS 5:17

Chaipac jahuapish paipac tucui causai punzhacunapimi llaquihuan, nanaihuan yallita imatapish ruhuashpa, pura tutapi shina micun.

SAN MATEO 22:12

Chaita ricushpaca: “Uyai, ¿ima nishpatac boda churanata mana churarishca caipica cangui?” nirca. Chashna nicpica, chai runaca upallami carca.

SAN MATEO 25:45

Shina nicpimi ñucaca: “Cai uchillacunaman mana ruhuashpaca, ñucamanmi mana ruhuarcanguichic. Chaica chashnatacmi” nishami.

SAN LUCAS 19:22

Chashna nicpimi chai mandacca: “Mana allita ruhuac servicmi cangui. Chashna nishpaca, canllatacmi llaquita apangui. Ñuca cashcatapish, manapish cushpa chasquiclla cashcatapish, manapish tarpushcata cosechaclla cashcatapish yacharcanguimi.

SAN JUAN 16:33

Tucui caicunataca ñucahuan yallita cushicuita charichunmi nini. Cai pachapica llaquita apanguichicmi. Shina cacpipish, cai pacha mana allicunata ñuca atishcamanta ñucata crichic— nirca.

ROMANOS 3:19

Dios taripana punzhapi tucui mashna imata mana nishpa upalla saquirichunmi, tucui Moisés mandashcacunaca chai mandashcacunata chasquiccunaman huillacun. Chaitaca yachanchicmi.

HEBREOS 6:8

Ashtahuanpish cashallata, mana alli quihuallata pucucca, mana alli allpachu. Chaicunataca Dios piñarishpami ñalla tucuchinga.