GÉNESIS 3:16 - Dios Rimashcata Quillcashcami

¹⁶ Cutin huarmitaca: —Can huicsayuc cacpica, yalli nanaitami mirachisha. Yalli nanaihuanmi huahuata sajuaringui. Canca cusahuan canatami munangui. Cusami cantaca mandanga— nirca.

GÉNESIS 3:16 Iomraidhean Croise

GÉNESIS 4:7

Allita ruhuashpaca, ¿manachu alli nishca canguiman? Cantaca juchami pungupi shuyac shina, mana allita ruhuachicun. Chai juchacunataca canllatacmi mishana cangui— nirca.

1 CRÓNICAS 4:9

Jabesca paipac huauquicunata atishpami alli nishca carca. Chaimantami paipac mamaca: «Yalli nanaihuanmi sajuarircani» nishpa Jabesta shutichirca.

ESTER 1:20

Jatun Mandac can mandashpa quillcashcataca can mandana tucui llactapimi uyangacuna. Can mandana llacta jatun cacpipish tucui llactapimi uyaringa. Shina cacpimi, tucui huarmicunaca paicunapac cusacunata alli nishca cacpipish, yangalla nishca cacpipish cazungacuna— nirca.

SALMOS 48:6

Chaipica yallitami paicunaca manchaihuan carcacuna. Huarmita sajuarina nanai japishca shinami tucurcacuna.

ISAÍAS 13:8

Yallita mancharingacunami. Paicunataca mancharina llaquicuna, nanaicunami japinga. Shuc huarmi sajuarina nanaihuan cac shinami nanachinga. Mancharinacushpami caishuc chaishuc ñahuita ricunacunga. Ñahuicunaca nina japiricuc shinami pucayanga.

ISAÍAS 21:3

Chaimantami ñuca huashaca nanacun. Shuc huarmita sajuarina nanai japic shinami llaqui japirca. Yallita llaquilla cashpami, mana uyai pudini. Yallita manchaihuan cashpami mana ricui pudini.

ISAÍAS 53:11

Paica, pai llaquita apashcaca mana yanga cashcata ricushpami, yallita cushicunga. Chai servicca allita yachac, cashcata ruhuac cashcamantami cashcata ruhuashpa, gentecunapac juchacunata aparinga.

JEREMÍAS 13:21

Canllatac yachachishca, canhuan apanacuccunata Dios mandachun churacpica, ¿imatatac ninguiman? ¿Manachu canca huarmita sajuarina nanai japic shina llaqui tucungui?

JEREMÍAS 22:23

Líbano urcu caspicunahuan shayachishca huasipimi, cedro caspicunapi cuzhata ruhuac shina causarcangui. ¡Canta yalli llaqui japicpica, shuc huarmi sajuarina nanaihuan caparic shinami caparingui!» ninmi.

JEREMÍAS 4:31

Punta sajuaric huarmi shina, llaquinayaita caparicuctami uyarcani. Sionpi causaccunami yallita caparishpa huacacun. Paicuna maquita chutashpaca: “¡Aij ñucalla, cunanca imachari tucusha! Ñucaca huañugrinimi. Cai runacunami ñucataca tucuchigrin” nishpami caparicun» ninmi.

JEREMÍAS 49:24

Damascopi causaccunaca manchaihuan imata mana ruhuai pudishpami miticushpa callpancuna. Paicunataca jatun manchaimi japirca. Sajuarina nanai huarmita japic shinami llaquita apancuna.

JEREMÍAS 6:24

Jerusalenpi causaccuna chaicunata uyashpaca: “Ñucanchicca fuerza illacmi saquirishcanchic. Ñucanchictaca yalli llaquimi japishca. Shuc huarmita sajuari nanai japic shinami, ñucanchictaca nanai japishca.

NÚMEROS 30:13

Ñucapacta imata ruhuashatacmi nishcatapish, pai ari nishcatapish cusami ruhuachun ninga, mana cashpaca saquichun ninga.

SAN JUAN 16:21

Shuc huarmica sajuarina punzha chayacpica, nanaihuanmi llaquirin. Shina cacpipish sajuarishca quipaca, shuc huahua cai pachaman apamushcamantami tucui nanaita cungarishpa cushicun.

1 CORINTIOS 11:3

Shina cacpipish, Cristoca caripac uma cashcata, cutin carica huarmipac uma cashcata, Diosca Cristopac uma cashcata yachachunmi munani.

1 CORINTIOS 14:34

huarmicunaca criccunapac tandanacuipica upallami cana can. Mana rimanachu can. Moisés mandashcacunapi nishca shinami, huarmicunaca cazuna can.

1 CORINTIOS 7:4

Huarmipac cuerpoca cusapacmi. Cusapac cuerpoca huarmipacmi.

COLOSENSES 3:18

Huarmicuna, Apunchic Jesusta cric cashcamanta cancunapac cusacunata alli cazuichic.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

1 TIMOTEO 2:13

Diosca Adantaracmi ruhuarca. Quipatami Evataca ruhuarca.

1 TIMOTEO 2:15

Shina cashpapish huahuacunata charic huarmica alli cric cashpa, cuyashpa, alli yuyaihuan, Diospaclla causashpaca quishpiringami.

TITO 2:5

alli yuyaihuan purishpa quiquinllatac huacaichiriccuna, alli nishca caccuna, cusata cazuccuna, shinallatac huasipi ima tiyashcata alli ricuccuna cachun yachachingacuna. Shina cacpimi, Diosmanta huillashcataca pipish mana allichu nishpa mana rimangacuna.