GÉNESIS 3:14 - Dios Rimashcata Quillcashcami

¹⁴ Mandac Diosca culebrataca: —Can chaita ruhuashcamantaca charina animalcunapurapipish, sacha animalcunapurapipish mana ricunayachishcami cangui. Pambata aisarishpami puringui, tucui causaipimi allpallata micungui.

GÉNESIS 3:14 Iomraidhean Croise

GÉNESIS 3:1

Mandac Dios ruhuashca animalcunamantaca culebrami yalli yuyaisapa carca. Chai animalmi Evataca: —Shinaca, ¿Dioschu huertapi tiyac yuracunamantaca ama micunguichu?— nirca.

GÉNESIS 4:11

Cunanca, canca cambac huauquita huañuchishpa, pambapi yahuarta jichashcamantaca mana alli nishcami cangui. Cai allpami shimita pascac shina, cambac huauquipac yahuartaca chasquirca. Chaimantami cai allpamanta llucchishpa cachashca cangui.

GÉNESIS 9:6

Diosca pai shinatacmi runataca ruhuarca. Chaimanta maijan shuc runata huañuchictaca huañuchishcami canga.

SALMOS 72:9

Paipac ñaupapica shitashca pambacunapi causaccunapish cunguringacunami. Paita piñaccunaca allpatami lambingacuna.

ISAÍAS 29:4

Chashna ruhuacpica, pambapi urmashpami caparingui. Caparishcaca allpa ucumanta shinami pambamanta ashalla uyaringa. Shinallatac ñuto allpa ucumantami aya rimashca shina ashalla uyaringa.

ISAÍAS 65:25

Atucca ovejahuan ishcai tucushpami puringa. Leonca huagra shinami quihuata micunga. Culebraca allpatami micunga. Ñucapaclla tucui urcupica llaquichicpish, millaita ruhuacpish mana tiyangachu» ninmi.

LEVÍTICO 20:25

Chaimantami cancunapish maijanlla micuna animal cashcata, maijanlla mana micuna animal cashcata, shinallatac volac animalcunatapish maijanlla micuna cashcata, maijanlla mana micuna cashcata chicanyachina canguichic. Ñuca chicanyachishca mana micuna animalcunataca volac animaltapish, pambata aisarishpa puric animaltapish ama micunguichicchu. Chaicunata micushpaca mapayanguichicmi.

MIQUEAS 7:17

Paicunaca culebra shina, llucashpa puric animalcuna shinami ñuto allpata micunga. Culebra mancharishpa jutcumanta llucshic shinami chucchunga. Mandac Diospacmanmi manchaihuan chucchushpa cutiringa. Can llaquichinatami manchanga.