GÉNESIS 29:16 - Dios Rimashcata Quillcashcami

¹⁶ Labanca ishcai ushitami charirca. Punta ushica Lea, cutin quipa ushica Raquelmi carca.

GÉNESIS 29:16 Iomraidhean Croise

GÉNESIS 29:15

Chaimantami Labanca: —Canca ñuca familiapura cashpapish mana yangachu trabajana cangui. Can trabajashcamantaca, ¿mashnatatac pagachun ningui?— nirca.

GÉNESIS 29:17

Leaca llaquilla ñahui solterami carca. Cutin Raquelca sumac solterami carca.

GÉNESIS 30:19

Leaca quipata cutinllatac huicsayuc tucushpami, suctaniqui huahuata Jacobopacta charirca.

GÉNESIS 31:4

Jacoboca paipac ovejacuna shayana pambamanmi Raqueltapish, Leatapish cayachun cacharca.

GÉNESIS 33:2

Shina chicanyachishpaca, servic huarmicunatami huahuacunandi ñaupapi churarca. Chai quipaca Leatami paipac huahuacunandi churarca. Ashtahuanpish huashamanca Raquelta, paipac huahua Josetami churarca.

GÉNESIS 35:23

Leapac punta huahuaca Rubenmi carca. Quipa huahuacunaca: Simeón, Leví, Judá, Isacar shinallatac Zabulonmi carca.

GÉNESIS 46:15

Paicunami Padan-aram llactapi causacushpa, Jacobo Lea huarmipi charishca huahuacunaca. Shinallatac Dina ushitapish charircami. Tucui churicunandi, ushicunandica quimsa chunga quimsami carca.

GÉNESIS 49:31

Chaipimi Abrahamtapish, paipac huarmi Saratapish, Isaactapish, paipac huarmi Rebecatapish enterrarca. Chaillapitacmi Leatapish enterrarcani.

RUT 4:11

Shina nicpimi, pushac yuyaccunahuan chai pungupi tiyacuc gentecunaca: —Ari, ricunchicmi. Cambac huasiman yaicuc huarmitaca Raquel, Leata ayudashca shinallatac Mandac Dios ayudachun. Paicunamantami ñucanchic israelcunaca mirai callarishcanchic. ¡Canpish Efrata nishca Belén pueblopica alli nishca, tucuipac ricsishca causachunmi munanchic!