GÉNESIS 28:2 - Dios Rimashcata Quillcashcami

² Padan-aram llactapi causac cambac mamapac taita Betuelpac huasiman ri. Chaipi cambac mamapac huahua Labanpac ushicunamanta maijanhuan cazarangui.

GÉNESIS 28:2 Iomraidhean Croise

GÉNESIS 24:10

Chaimantami servicca amopac camellocunamanta chunga camellocunata japishpa, amopac tucuilaya acllashca convidanacunata apashpa, Mesopotamia llactapi cac Nacor llactaman rirca.

GÉNESIS 24:29

Paica shuc turitami charirca. Chai turica Labanmi carca. Paimi yacu junduman callpashpa, servic runahuan tupangapac rirca.

GÉNESIS 24:4

Ashtahuanpish ñuca causana llactaman rishpa, ñuca aillupuramanta apamungapac ringui— nirca.

GÉNESIS 24:50

Shina nicpi, Labanpish, Betuelpish rimashpaca: —¡Tucui caicunaca Mandac Diospac munaimantami! Chaimanta ñucanchicca aritapish, manatapish mana ni pudinchicchu.

GÉNESIS 25:20

Isaacca chuscu chunga huatayuc cashpami, Padan-arammanta arameopuramanta Betuelpac ushi Rebecahuan cazararca. Rebecaca arameocunapuramanta Labanpac panimi carca.

GÉNESIS 28:5

Chashnami Isaacca Jacobotaca Padan-aram llactaman cacharca. Chaimantami arameopuramanta Betuelpac churi Labanpac huasiman chayarca. Labanca Rebecapac turimi carca. Cutin Rebecaca Esaupac, Jacobopac mamami carca.

GÉNESIS 29:1

Jacobo rishpaca, inti llucshina ladopi causaccunapac llactamanmi chayarca.

GÉNESIS 31:18

paipac taita Isaac causana Canaán llactaman cutingapac, Padan-aram llactapi mirachishca animalcunatapish, servishcamanta paiman cushca animalcunatapish ñanpi churarca.

GÉNESIS 32:10

Canta servic ñucata cuyashpa, allicunata cuchunca, ima allita canmanca mana ruhuashcanichu. Ñucaca cai Jordán jatun yacutaca tauna caspi apashcallami pasarcani. Cunanca, ishcai pamba animalcunami ñucapac can.

GÉNESIS 33:18

Chai quipaca Jacobo Padan-aram llactamanta shamushpaca, Canaán llactapi cac Siquem llactamanmi cushilla chayarca. Chashnami chai llacta chimba ladopi causai callarirca.

GÉNESIS 35:9

Jacobo Padan-arammanta cuticucpimi, Dios cutin ricurishpa, paita bendiciarca.

GÉNESIS 46:15

Paicunami Padan-aram llactapi causacushpa, Jacobo Lea huarmipi charishca huahuacunaca. Shinallatac Dina ushitapish charircami. Tucui churicunandi, ushicunandica quimsa chunga quimsami carca.

OSEAS 12:12

Ashtahuanpish Israel nishca Jacoboca Aram llactamanmi miticushpa rirca. Paica huarmihuan cazarangapacmi ovejacuna michishpa servishpa causarca.

OSEAS 12:13

Mandac Diosca pai ima nishcata huillac runahuanmi israelcunataca Egiptomanta pushamurca. Chai huillac runatami paicunata cuidachun churarca.