GÉNESIS 28:18 - Dios Rimashcata Quillcashcami

¹⁸ Jacoboca cayandi utca jatarishpami, saunashpa sueñushca rumita japishpa, shuc pilarta shina shayachirca. Chai quipaca aceiteta chai rumipi tallishpami, Diospacllata ruhuarca.

GÉNESIS 28:18 Iomraidhean Croise

GÉNESIS 21:14

Shina nicpimi, Abrahamca tutamanta utca jatarishpa micunatapish, shuc puru yacutapish Agarman curca. Shinallatac huahuatapish cushpami, caya minchacaman nishpa cacharca. Agarca Beerseba shitashca pambatami maiman chayanatapish mana yachashpa ricurcalla.

GÉNESIS 22:3

Chai cayandi tutamanta utca jatarishpami, Abrahamca burrota parejashpa, paita ishcai serviccunatapish, paipac churi Isaactapish, rupachina yantatapish apashpa, Dios maiman richun nishcaman rirca.

GÉNESIS 28:11

Ña inti tigranatami shuc pambaman chayashpa, chaipi sueñurca. Chaipimi shuc rumita japishpa, saunata ruhuashpa, sueñungapac siririrca.

GÉNESIS 31:13

Ñucaca Bet-el pambapi ricurishca Diosmi cani. Chaipimi aceiteta rumipi tallishpa, ñucaman allicunata cushami nircangui. Cunanca jatari, caimanta llucshishpa, can huacharishca llactaman cuti” nircami— nirca.

GÉNESIS 31:45

Shina nicpimi, Jacoboca shuc rumita japishpa, pilar shinata shayachirca.

GÉNESIS 35:14

Jacoboca paihuan parlanacushca pambata señalangapacmi rumita shayachirca. Chai jahuapica aceitetapish, vinotapish tallircami.

GÉNESIS 35:20

Chaipimi Jacoboca Raquelta enterrashca jahuapica shuc jatun suni rumita churarca. Chai rumica Raquel maipi enterrashcata cunancaman ricunallami.

2 SAMUEL 18:18

Absalón causacushpaca: «Ñuca shutita yuyarichunca, churicunatapish mana charinichu» nishpami jatun mandacpac pambapi paita yuyarina shuc pilar shinata ruhuachishca carca. Chai pilar shinataca paipac shutitami churarca. Cunan punzhacamanmi «Absalonta yuyarina pilar» nincuna.

SALMOS 119:60

Can mandashcacunataca mana unaiyashpa, utcami pactachi callarircani.

ECLESIASTÉS 9:10

Cambac maquiman tucui shamushcata tucui fuerzahuan ruhuailla. Can rina Seolpica imata ruhuanapish, imata yuyarinapish, imata yachacunapish, alli yachaipish mana tiyanchu.

ISAÍAS 19:19

Chai punzhapica Mandac Diospac shuc altarmi Egipto llacta chaupipica tiyanga. Egipto llacta lindero ladopica Mandac Diosta yuyachic shuc rumimi tiyanga.

NÚMEROS 7:1

Moisesca Dios-huan tupana huasita tucuchishpaca, chaipi tucui tiyashcacunandimi aceitehuan cahuishpa, Diospacllata ruhuarca. Shinallatac altartapish, chaipi tucui tiyaccunatapish aceitehuan cahuishpami, Diospacllata ruhuarca.

JOSUÉ 4:9

Shinallatac Josuepish, Jordán yacu chaupipimi Dios ari nishca quillcata huacaichina Arcata huandushpa ric curacuna shayacushca pushtupi chunga ishcai rumicunata shayachirca. Chai rumicunaca cunancamanmi chaillapitac can.

1 SAMUEL 7:12

Chai quipami Samuelca shuc jatun rumita japishpa, Mizpa pueblohuan Sen pueblohuan tupanacui chaupipi churashpaca: «¡Mandac Diosca caicamanmi ñucanchictaca ayudashca!» nishpa, Eben-ezerta shutichirca.