GÉNESIS 28:16 - Dios Rimashcata Quillcashcami

¹⁶ Jacobo riccharishpaca: «¡Mandac Diosca caipipish cashcamari! ¡Chaitaca mana yacharcanichu!» nishpami yuyarirca.

GÉNESIS 28:16 Iomraidhean Croise

1 REYES 3:15

Salomón riccharishpaca, muscuilla cashcatami yuyarca. Chaimantami Jerusalenman cutishpa, Mandac Dios ari nishcata huacaichina Arca ñaupapi Diosman animalcunata cushpa, huañuchishpa tucui rupachirca. Dios-huan alli cangapacpish animalta cushpa huañuchircami. Chai quipaca jatun micuita ruhuashpami tucui paita serviccunaman cararca.

JOB 33:14

Ashtahuanpish Diosca runahuanca shuctac shuctaclayami parlan. Shina cacpipish, runamari mana entendin.

JOB 9:11

Pai ñuca ñaupata pasacucpipish paitaca mana ricunichu. Caruta ricpipish mana yachai pudinichu.

SALMOS 139:7

¿Cambac Espiritumantaca maimantac caruyashayari? ¿Cambac ñaupamantaca maipitac miticugrishayari?

SALMOS 68:35

Diosca paipaclla huasipi tiyashpami, jatun mancharinacunata ruhuacun. Israelcunapac Diosca pai acllashcacunamanca fuerzata cushpami sinchiyachin. ¡Sumac Diosca alli nishca cachun! 4

ÉXODO 15:11

Mandac Dioslla, ¿pitac can shinaca tiyanyari? Can shina jucha illac Dios shinaca, ¿pitac tiyanyari? Mancharinacunata ruhuashcamanta alli nina Diosca, ¿pitac tiyanyari? Canca sumaimanata ruhuacmi cangui.

ÉXODO 3:4

Moisés ricungapac cuchuyacucpimi, Mandac Dios rupacuc zarza chaupipi ricurishpaca: —¡Moisés, Moisés!— nirca. Shina nicpica paica: —Caipimi cani— nirca.

ÉXODO 3:5

Shina nicpimi, Mandac Diosca: —Can sarucuc allpaca ñucapacllami. Chaimanta ama cuchuyaichu. Cambac ushutata llucchi.

ISAÍAS 8:13

Tucuita Mandac Dios ñucallata jatunyachichic. Ñucallata manchashpa chucchuichic.

JEREMÍAS 31:26

Riccharishpaca ñuca muscushca sumac cashcatami ricurcani.

NÚMEROS 12:6

Mandac Diosca: «Cunanca, ñuca rimashcata uyaichic. Cancunapuramanta maijan shuc ñucamanta huillac tiyacpica, muscuipi shina ricurishpami parlasha.

JOSUÉ 5:13

Shuc punzhami Josueca Jericó pueblo cuchullapi cashpa huichai ricushpaca, shuc runa espadata huacaichinamanta llucchishpa, maquipi apashpa paipac ñaupapi shayacucta ricurca. Josué paipac ladoman cuchuyashpaca: —¿Canca ñucanchicpurachu cangui? ¿Mana cashpaca, ñucanchicta piñacpurachu cangui?— nishpa tapurca.

JOSUÉ 5:15

Shina nicpimi, Mandac Diospac soldadocunata mandacca Josuetaca: —Cambac chaquimanta ushutata llucchi. Can maipi shayacuc allpaca, Diospaclla chicanyachishcami— nirca. Shina nicpica, Josueca pai mandashcatami ruhuarca.