GÉNESIS 27:41 - Dios Rimashcata Quillcashcami

⁴¹ Esauca Jacoboman paipac taita bendicionta cushcamantami paita mana ricunayachishpaca: «Ñallami ñuca taita Isaacca huañunga. Pai huañucpica, Jacobotapish huañuchishami» nishpami yuyacurca.

GÉNESIS 27:41 Iomraidhean Croise

GÉNESIS 27:42

Esaú chashna nishcataca Rebecaman parlarcami. Chaimantami Rebecaca quipa huahua Jacobota cayachun cachashpaca: —Can quichushcamanta cambac punta huauquica huañuchinatami yuyaricun.

GÉNESIS 32:11

Cunanca, ñuca huauqui Esaú shamushpa, ñuca huarmicunatapish, ñuca huahuacunatapish huañuchinatami manchani. Ñuca huauqui Esaú shamushpa, huañuchinamanta quishpichinguiyari.

GÉNESIS 32:3

Chai quipami Jacoboca huillaccunata Edom llactapi cac Seir pambapi causac paipac huauqui Esaupacman cacharca.

GÉNESIS 32:6

Chai huillaccuna cutimushpaca: —Ñucanchicca cambac huauqui Esaumanca huillagrircanchicmi. Cunanca, paillatacmi chuscu patsac runacunahuan tupangapac shamucun— nirca.

GÉNESIS 35:29

Isaacca achca huatacunata causashpa, ña yuyac cashcamanta paipac samai tucuricpi, huañushpaca, paipac ñaupa aillucunahuanmi tandanacugrirca. Paitaca paipac churi Esaú, Jacobomi enterrarca.

GÉNESIS 37:18

José paicunapacman manarac chayashpa, carupi cacpiracmi, paicunaca huañuchinata yuyarinacurca.

GÉNESIS 37:4

Taita Israelpac caishuc churicunata paicunata atishpa, Joseta ashtahuan cuyac cashcamantami Josetaca mana ricunayachishpa, piñashcalla parlac carca.

GÉNESIS 37:8

Chashna parlacpimi, Josepac huauquicunaca: —¿Canchu ñucanchicta mandangapac shayarigringui?— nirca. Josetaca muscushcamantapish, parlashcamantapish piñashpami, ashtahuan mana ricunayachirca.

GÉNESIS 50:15

Josepac huauquicunaca paicunapac taita huañucpica: —Joseca, ñucanchic tucui mana allita ruhuashpa, paita llaquichishcamantaca ñucanchictapish llaquichingami —ninacurcami.

GÉNESIS 50:2

Quipaca paita serviccunatami paipac taita Israelpac cuerpo ama ismuchun, jambichun mandarca. Chashna mandacpica jambircacunami.

2 CRÓNICAS 35:24

Shina nicpimi, paita serviccunaca chai carretamanta llucchishpa, caishuc carretapi churashpa Jerusalenman aparicpimi, paica chaipi huañurca. Paitaca, paipac ñaupa taitacunata enterrashca jutcu ladollapitacmi enterrarca. Josías huañushcamantaca Judá llactapi causaccunapish, Jerusalenpi causaccunapish yallitami huacarcacuna.

SALMOS 142:3

Llaquihuan ñuca shungu paquiricpica, canmi ñuca ñanta yachangui. Ñuca purina ñanpimi linchita churarcacuna.

SALMOS 35:14

Ñuca ricsishcamanta shina, ñuca huauquimanta shinami llaquirircani. Quiquin mama huañucpi shinami, duelo churanata churarishpa llaquirircani.

SALMOS 37:16

Juchata ruhuaccuna achcata charicpipish cashcata ruhuaccuna ashallata charinami ashtahuan alli.

PROVERBIOS 1:16

Mana allita ruhuangapacca callpashpami rincuna. Huañuchishpa yahuarta jichangapacca utcami rincuna.

PROVERBIOS 18:19

Huauqui llaquichishca runaca pueblo muyundita pircashca shinami sinchi tucun. Huauquindi piñanacushcaca fierro aldabahuan huichcashca pungu shinami.

PROVERBIOS 6:14

Paipac shungupica mana allita ruhuana yuyaimi tiyan. Tucui causaipimi ima llaquita ruhuanallata, piñanacuipi churanallata yuyarishpa purin.

ECLESIASTÉS 7:9

Piñarina atichunca ama saquinguichu. Mana entendic runapac yuyaipimi piñarina yuyaica tiyan.

EZEQUIEL 35:5

Tucui causaipimi israelcunahuan piñanacushpalla causarcangui. Chaimantami ñuca paicunata llaquichicui punzhapica espadahuan huañuchircangui.

DEUTERONOMIO 34:8

Israelcunaca Moisés huañushcamantaca quimsa chunga punzhacamanmi Moab pambapica huacarca. Chashnami Moisesmanta llaquirina punzhacuna pactangacaman carca.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna cashpami shuccuna ama charichun munashpa, caishuc chaishuc-huan piñanacushpa causacurcanchic.