GÉNESIS 26:31 - Dios Rimashcata Quillcashcami

³¹ Cayandi tutamanta utca jatarishpami, Isaacpish, Abimelecpish ari ninacuita ruhuarca. Chai quipaca Isaacpish, paicunapish caya minchacaman ninacushpami, cushilla rircacuna.

GÉNESIS 26:31 Iomraidhean Croise

GÉNESIS 14:22

Shina nicpimi, Abram Sodoma pueblota jatun mandactaca: —Can: “Ñucami cantaca chayucyachini” ama nichunmi, jahua pachatapish, cai pachatapish ruhuac Mandac Diosman

GÉNESIS 19:2

Chashna cumurishpaca: —Ñuca amitocunalla, cancunata servic ñuca huasipi pacaringapac shamuichic, chaipi chaquitapish jahuanguichic. Cayaca ñanta catishpa ringuichicllami— nirca. Shina nicpimi angelcunaca: —Mana, cunan tutaca canzhallapimi pacarishun— nirca.

GÉNESIS 21:14

Shina nicpimi, Abrahamca tutamanta utca jatarishpa micunatapish, shuc puru yacutapish Agarman curca. Shinallatac huahuatapish cushpami, caya minchacaman nishpa cacharca. Agarca Beerseba shitashca pambatami maiman chayanatapish mana yachashpa ricurcalla.

GÉNESIS 21:23

Cunanca, ñucatapish, ñuca churitapish, ñuca nietocunatapish, can causacushca llactapi causaccunatapish mana llaquichishpa, ashtahuanpish ñuca canman allita ruhuashca shinallatac allita ruhuangapac cunanllatac Diospac shutipi ari ni— nirca.

GÉNESIS 21:27

Shina nicpimi, Abrahamca ovejacunatapish, vacacunatapish Abimelecman curca. Chai shina ruhuashpami, ishcaimanta mana piñanacungapac ari ninacurca.

GÉNESIS 22:3

Chai cayandi tutamanta utca jatarishpami, Abrahamca burrota parejashpa, paita ishcai serviccunatapish, paipac churi Isaactapish, rupachina yantatapish apashpa, Dios maiman richun nishcaman rirca.

GÉNESIS 25:33

Shina nicpimi Jacoboca: —¡Cunan punzhallatac punta churi japinata cungapac ari ni!— nirca. Chashna nicpimi, punta churi japinata Jacoboman caturca.

GÉNESIS 26:32

Chai punzhacunallapitac Isaacta serviccuna shamushpaca: «¡Yacu junduta allacushca pushtupica ñami yacuta tarircanchic!» nishpa huillarca.

GÉNESIS 31:44

Cunanca shamui, canhuan ñucahuan alli tucungapac ari ninacushun— nirca.

GÉNESIS 31:55

Tutamanta Labán jatarishpa ushicunatapish, nietocunatapish muchashpa bendiciashpami paipac llactaman cutirca.

HEBREOS 6:16

Gentecunaca paicunamanta yalli runapac shutipi ari nincuna. Shina ari nishca quipaca, imatapish cutinca ña mana nincunachu.

1 SAMUEL 14:24

Shina macanacuita mishashca cacpipish Saulca: «Ñucaca, ñucata piñaccunata paicuna llaquichishca shina, manarac tutayacpi llaquichingacaman mana micushachu. Maijanpish micuctaca mana alli nishcami canga» nishpami ari nichishca carca. Chaimantami tucui gentecuna imatapish mana micushpa yalli yarcaihuan huañunalla carca.

1 SAMUEL 20:3

Shina nicpimi Davidca: —Cambac taitaca canhuan ñucahuan alli apanacuctaca allimi yachan. Chaimantami: “Jonatán ama llaquirichunca mana huillasha” nishca canga. ¡Mandac Diospac shutipi, cambac shutipimi nini!: Ñuca huañuica ñuca ñaupallapimi— nirca.

1 SAMUEL 30:15

Shina nicpimi Davidca: —¿Chai shuhuac runacunapacman ñucanchicta pushai pudinguichu?— nishpa tapurca. Shina nicpimi, chai runaca: —Can ñucata mana huañuchingapac, ñuca amopac maquipipish mana churangapac Diospac shutipi ari nicpica, chai shuhuac runacunapacman pushashallami— nirca.