GÉNESIS 26:22 - Dios Rimashcata Quillcashcami

²² Isaacca chaimanta caruyashpami, cutinllatac shuc yacu junduta allarca. Chai yacu jundumantaca ña mana piñanacurcachu. Chaimantami chai yacu jundutaca Rehobot quishpirishca nishpa shutichirca. Shinallatac: «Mandac Dios tucuipi ayudacpimi, alli causanchic. Cunanca, cai allpallapitac achca huahuayuc tucushpa causashun» nirca.

GÉNESIS 26:22 Iomraidhean Croise

GÉNESIS 17:6

Canmantaca achcatami mirachisha. Canmantami jatun llactacunatapish ruhuasha, jatun mandaccunapish canmantami llucshinga.

GÉNESIS 26:21

Chai serviccunaca cutinllatacmi shuc yacu junduta allarca. Chai yacu jundutapish quichunacushpa piñanacurcallatacmi. Chaimantami Isaacca chai yacu jundutaca Sitna nishpa shutichirca.

GÉNESIS 28:3

Imatapish ruhuaclla Dios canman bendiciashpa, achca llactacuna tucungacaman cambac huahua huahuacunataca achcata mirachichun.

GÉNESIS 41:52

Quipa churitaca: “Diosmi ñuca llaquita apashca llactapi churicunayucta ruhuashca” nishpami, Efrainta shutichirca.

SALMOS 118:5

Ñuca llaquihuan cashpa Mandac Diosta mañacpica, paica uyashpami, ima llaqui mana tiyac pushtupi churarca.

SALMOS 119:32

Can ñuca shungupi cushicuita cushcamantami can mandashcacunataca utca pactachisha.

SALMOS 18:19

Paica ñucata cuyashcamantami jatun pambaman llucchishpa quishpichirca.

SALMOS 4:1

¡Cashcata ruhuac Dioslla, ñuca caparishpa mañashcata uyaiyari! Canmi ñuca llaquihuan cacpica, cushichircangui. Ñucata llaquishpa, ñuca mañashcata uyaiyari.

ÉXODO 1:7

Ashtahuanpish israelcunaca mirarishpa achcayashpami, tucui llactacunapi jundashpa, sinchi tucurca.

ISAÍAS 54:2

Carpa huasita ashtahuan jatunyachiyari. Ucu muyundi telatapish ashtahuan anchoyachiyari. Mana manchashpa, huascacunatapish ashtahuan largota churashpa, ishtacacunatapish ashtahuan sinchita churaiyari.

ISAÍAS 54:3

Cambac huahua huahuacunaca alli ladomanpish, lluqui ladomanpish jundashpami, achca llactacunata japishpa, shitashca llactacunapipish causanga.