GÉNESIS 26:20 - Dios Rimashcata Quillcashcami

²⁰ Chai yacumantami Gerarpi michiccunaca Isaacpac michiccunataca: —Cai yacuca ñucanchicpacmi— nishpa piñarca. Paicuna piñanacushcamantami Isaacca chai jundutaca Esec nishpa shutichirca.

GÉNESIS 26:20 Iomraidhean Croise

GÉNESIS 13:7

Abrampac michiccunaca Lotpac michiccunahuanmi piñanacuc carca. Shinallatac cananeocunapish, ferezeocunapish chaillapitacmi causarca.

GÉNESIS 21:25

Abrahamca Abimelecpac serviccuna yacu jutcuta quichushcamantami Abimelecta sinchita rimarirca.

GÉNESIS 26:19

Ashtahuanpish Isaacpac serviccuna chai pambapi allashpaca, yacu talliricuc jundutami tarirca.

GÉNESIS 26:21

Chai serviccunaca cutinllatacmi shuc yacu junduta allarca. Chai yacu jundutapish quichunacushpa piñanacurcallatacmi. Chaimantami Isaacca chai yacu jundutaca Sitna nishpa shutichirca.

GÉNESIS 46:34

cancunaca: “Canta servic ñucanchicca, ñucanchic ñaupa taitacuna shinallatac huambramanta pacha animalcunata michishpa causaccunami canchic” ninguichic. Shinami Gosén llactapi causai pudinguichic. Egipto runacunaca tucui ovejata michiccunataca millanayachishpa piñancunami— nirca.