GÉNESIS 26:1 - Dios Rimashcata Quillcashcami

¹ Chai llactapica yalli yarcaimi tiyarca. Abraham causacui huatacunapi yarcai tiyashca shinami yalli yarcai tiyarca. Chaimantami Isaacca filisteocunata jatun mandac Abimelec causacuc Gerar puebloman rirca.

GÉNESIS 26:1 Iomraidhean Croise

GÉNESIS 12:10

Chai llactapi yalli yarcai tiyashcamantami Abramca Egiptopi causangapac rirca.

GÉNESIS 25:11

Abraham huañushca quipaca, Diosca Abrahampac churi Isaacman bendiciarcami. Isaacca «Ñucata ricushpa causac yacu» cuchupimi causacurca.

GÉNESIS 25:34

Shina catucpimi, Jacoboca Esaumanca tandatapish, huirahuan camchashca lentejatapish curca. Shina cucpimi, Esauca micushpa, ubiashpa, jatarishpa rircalla. Chashnami punta churi japina cashcata yangalla cashcata yuyashpa saquircalla.

GÉNESIS 42:5

Canaán llactapi yalli yarcai tiyashcamantami Israelpac churicunaca shuctac randiccunahuan rirca.

GÉNESIS 43:1

Canaanpica yalli yarcaimi catirca.

2 SAMUEL 21:1

David mandacui punzhapimi quimsa huatata catipi yarcai tiyarca. Chashna cacpimi, Davidca Mandac Diosta tapurca. Chashna tapucpimi Mandac Diosca: «Saulpish, paipac huasi familiapish gabaonitacunata huañuchishpa yahuarta jichashcamantami yallita yarcaica tiyan» nirca.

ÉXODO 33:1

Mandac Diosca Moisestaca: —Egipto llactamanta llucchishca israelcunata ñuca cusha nishca llactaman pushai. Chai llactata cungapacmi Abrahamman, Isaacman, Jacobomanca: “Chai llactataca cancunapac huahua huahuacunamanmi cusha” nishpa, ari nircani.

RUT 1:1

Juezcuna mandacuc punzhacunapimi, Israel llactapica yallita yarcai tiyarca. Chaimantami Judá llactapi cac Belén pueblomanta shuc runaca paipac huarmindi, ishcai churicunandi Moab llactapi causangapac rirca.