GÉNESIS 24:61 - Dios Rimashcata Quillcashcami

⁶¹ Shina nishca quipami, Rebecaca jatarishpa, servic solteracunata pushashpa, camellocunapi tiyarishpa, chai servic-huan rirca. Chashnami chai servicca Rebecata pushashpa rirca.

GÉNESIS 24:61 Iomraidhean Croise

GÉNESIS 2:24

Chaimantami carica taita mamata saquishpa, paipac huarmihuan tandarishpa, shuclla tucunga.

GÉNESIS 24:60

Rebecata bendiciashpaca: «Pani Rebecalla, huaranga huarangapac mamami tucungui. Cambac huahua huahuacunaca piñaccunataca mishashpa, llactacunata japinga» nishpa cacharca.

GÉNESIS 24:62

Isaacca Neguev llactapi causac cashcamantami «Ñucata ricushpa causac» nishca yacu jundu ladomanta shamucurca.

GÉNESIS 31:34

Chaipimi Raquelca shuhuashca dioscunataca camello parejo ucupi churashpa, chai jahuapi tiyarirca. Labanca tucui carpa huasi ucupi mashcashpapish mana tarircachu.

ESTER 8:10

Chai quillcacunataca jatun mandac Asueropac shutipi quillcashpami, paipac sortejasllahuantac sellashpa quillcata apaccunaman cacharca. Paicunataca jatun mandacpac michina pambacunapi tiyac yallita callpac caballocunapimi cacharca.

ESTER 8:14

Jatun mandac cachacpimi, quillcacunata apaccunaca yallita callpac caballocunapi montashpa, utca rircacuna. Chai mandashcataca mandaccuna tiyana Susa pueblopipish huillarcami.

SALMOS 45:10

Riqui ñuca huahualla, cambac ringrita mañachishpa uyai. Cambac llacta gentecunatapish, familiatapish cungarilla.

JUECES 5:30

“¿Manachu macanacushpa imata japishca canga? ¿Manachu chaita macanacucpura chaupinacunga? Macanacuc caricunamanmi shuc solterata mana cashpaca ishcaita cada shucman cucunga. Sisaramancarin sumac color churanatami cucunga. Mishaccunamanca tucuilaya shuc shucta, mana cashpaca ishcai ishcaitami bordashca bufanda Sisaramanca cucunga.

1 SAMUEL 25:42

Chai quipami Abigaíl huarmica utca jatarishpa, paita servic pichca solteracunahuan David huillachun cachashca runacunata catishpa rirca. Chashna rishpami Davidhuan cazararca.

1 SAMUEL 30:17

Chaipimi Davidca manarac alli achicyacpi macai callarishpaca, cayandi punzha chishiyangacaman chugrishpa huañuchirca. Chai runacunamantaca shucllapish mana atircachu. Ashtahuanpish chuscu patsac mosocunallami camellocunapi montashpa ati rirca.