GÉNESIS 24:3 - Dios Rimashcata Quillcashcami

³ Ñuca causacuc cananeocunapac ushita ñuca churipac huarmi cachun mana apamungapac jahua pachata, cai pachata Mandac Diospac shutipi ari ni.

GÉNESIS 24:3 Iomraidhean Croise

GÉNESIS 14:19

llucchishpaca: «Jahua pachata, cai pachata ruhuac Dios canta bendiciachun.

GÉNESIS 14:22

Shina nicpimi, Abram Sodoma pueblota jatun mandactaca: —Can: “Ñucami cantaca chayucyachini” ama nichunmi, jahua pachatapish, cai pachatapish ruhuac Mandac Diosman

GÉNESIS 21:23

Cunanca, ñucatapish, ñuca churitapish, ñuca nietocunatapish, can causacushca llactapi causaccunatapish mana llaquichishpa, ashtahuanpish ñuca canman allita ruhuashca shinallatac allita ruhuangapac cunanllatac Diospac shutipi ari ni— nirca.

GÉNESIS 24:7

Ñuca taitapacmanta, ñuca aillucuna causana allpamanta llucchic jahua pachapi causac Mandac Diosca: “Canmanpish, cambac huahua huahuacunamanpish cai allpata cushami” nishpa, paipac shutipi ari nirca. Paillatac paipac angelta cambac ñaupata cachacpimi, chai llactamanta huarmita ñuca churiman pushamungui.

GÉNESIS 27:46

Chai quipami Rebecaca Isaactaca: —Ñucaca heteocunapac ushicunahuanca mana allichu causani. Jacobo cai llactapi causac Hetpac ushicunahuan cazaracpica, ¿imapactac causacusha?— nirca.

GÉNESIS 28:1

Shina nicpimi, Isaac Jacobota bendiciashpaca: «Cai Canaán llactapi causac huarmicunahuanca ama cazaranguichu.

GÉNESIS 28:8

Shinallatac Esauca paipac taita Isaac Canaanmanta solteracunata mana ricunayachishcatapish yacharcami.

GÉNESIS 34:9

Ñucanchicpish cancunapac ushicunahuan, cutin cancunapish ñucanchic ushicunahuan cazarashpa, familiapura tucushun.

GÉNESIS 38:2

Chaipi cashpami, Judaca cananeopuramanta Suapac ushihuan cazarashpa, chai huarmipi chayarirca.

GÉNESIS 47:31

Shina nicpimi, taita Israelca Josetaca: —Shinaca chaita pactachingapac ari ni— nirca. Shina nicpimi Joseca: —Pactachishatacmi— nishpa ari nirca. José chashna nicpimi, taita Israelca Diosta pagui ningapac cama saunapi cumurirca.

GÉNESIS 50:25

Joseca taita Israelpac churicunataca: —Dios shamushpaca, cancunataca pushangatacmi. Chashna pushacpica, ñuca tullucunatapish apanguichic— nishpami, Diospac shutipi ari nichirca.

GÉNESIS 6:2

Diospac churicunaca chai ushicuna sumaimana cashcata ricushpami, chai huarmicunapuramanta acllashpa cazararca.

GÉNESIS 6:4

Diospac churicuna cai pachaman shamushpa, runacunapac ushicunahuan cazarai punzhacunaca manchana yalli jatun runacunami tiyarca. Shinallatac quipamanpish tiyarcami. Paicunami runacunapac ushicunapi chayarishpa, huahuacunata charirca. Chai huahuacunami ñaupa punzhamanta pacha sinchi runacuna nishca carca.

2 REYES 19:15

Chaimanta Ezequías Mandac Diospac ñaupapi mañashpaca: «Israelcunata Mandac Dioslla, querubincunapac chaupipimi causacungui. Canllami cai pachapi tiyac tucui jatun mandaccunapac Dios cangui. Canllatacmi jahua pachatapish, cai pachatapish ruhuarcangui.

2 CRÓNICAS 2:12

«¡Israelcunata Mandac Diosca allimari cangui nishca cachun! Paimi jahua pachatapish, cai pachatapish ruhuarca. Mandac Diospac huasitapish, mandashpa tiyana huasitapish shayachichunca, paillatacmi alli yachac, alli yuyaita charic, alli entendishpa imatapish allita ruhuac churita, jatun mandac Davidman cushca.

ESDRAS 5:11

Shina tapucpimi paicunaca: “Ñucanchicca jahua pachata, cai pachata ruhuac Diosta serviccunami canchic. Ñucanchicca tigrachishca huasitami cutin shayachicunchic. Cai huasitaca israelcunata jatun mandacmi ñaupa huatacunapi shayachishca carca.

NEHEMÍAS 13:25

Chaimantami paicunata sinchita rimashpa, paicunata maldiciarcani. Maijancunataca huactarcani, acchatapish pitircani. Chai quipami paicunataca: «¡Cancunapac ushicunataca paicunapac churicunahuanca ama cazarachinguichicchu! ¡Cancunapac churicunapac huarmi cachunpish paicunapac ushicunataca ama apamunguichicchu!

NEHEMÍAS 9:6

Chaipi tucui gente mañashpaca: «Canllami Mandac Dios cangui. Canmi jahua pachatapish, ashtahuan jahua pachatapish, chaipi ima tiyaccunatapish, allpatapish, mama cuchatapish, chaipi ima tiyaccunatapish, ruhuashcangui. Tucuiman causaita cushcamantami, jahua pachapi causac angelcunaca, cantaca allimari cangui nincuna.

SALMOS 115:15

Cancunataca jahua pachata cai pachata ruhuac Mandac Dios bendiciachun.

SALMOS 136:26

Jahua pacha Diosta alabaichicyari. ¡Paica huiñaita llaquicmi!

ÉXODO 20:7

Mandac Dios ñucapac shutipi ama yanga ari ninguichu. Maijanpish ñuca shutipi yanga ari nicca llaquichishcami canga.

ÉXODO 22:11

chai mingai tucuc runami Diospac ñaupapi: “Mana shuhuarcanichu” nishpa huillana can. Shina nicpimi, chai animalyuc runaca paipac nishcata crishpa, mana cobranga.

ÉXODO 23:13

Tucui ñuca nishcacunata pactachingui. Ruhuashcalla dioscunata ama mañanguichu, paicunapac shutitapish ama rimanguichu.

ÉXODO 34:16

Cambac churicunahuan paicunapac ushicunata cazarachishpa, paicunapac dioscunata adorana yuyaita cushpa urmachingacunami. Shina tucushpaca, chai dioscunahuan huainayashca shinami tucunga.

ISAÍAS 45:23

Ñucaca cashcata ruhuanatami rimani. Ñucaca: “Tucui mashnami ñuca ñaupapi cungurishpa, tucui rimaipi ari ninga” nishpami, ñuca shutipi ari nini.

ISAÍAS 48:1

Israel shuti, Jacobopac huahuacuna, caita uyaichic. Cancunaca Judapac huahua huahuacunami canguichic. Mandac Diospac shutipi ari nishpapish, israelcunapac Diosta mañashpapish mana ciertota yuyaringuichicchu. Ashtahuanpish jahua shungullami canguichic.

ISAÍAS 65:16

Maijanpish cai pachapi bendicionta mañashpaca, cashcata nic Diosmantami japinga. Maijanpish cai pachapi ari nicca cashcata nic Diosmantami ari ninga. Utcapi tiyashca llaquica illangami. Ñuca ñaupapica mana ashtahuan ricuringachu.

JEREMÍAS 10:11

Paicunataca: «Jahua pachata, cai pachata mana ruhuac dioscunaca cai pachamanta chingaringami» ningui.

JEREMÍAS 12:16

Chai llactapi causaccunaca ñuca acllashcacunataca Baal diospac shutipi ari ninatami yachachirca. Chashna yachachishca cashpapish, ñuca acllashcacunahuan pacta: “Mandac Dios ñucapac shutipi” ari ninga. Chashna causashpami ñuca acllashcacunapac chaupipi alli causanga.

JEREMÍAS 29:6

Cazarashpa churicunatapish, ushicunatapish charichic. Churicunapish, ushicunapish huahuacunata charichun cazarachichic. Ashtahuan mirarichic. Ama tucurichicchu.

JEREMÍAS 4:2

Mandac Dios ñucapac shutipi ari nishpaca, mana llullashpa cashcata nichic. Shina ruhuacpica, shuctac llactacunapi causaccunapish, ñucamantami bendiciashca canga. Ñucahuanmi cushicunga.

LEVÍTICO 19:12

Manapish pactachingapac ari nishpa, ama cancunata Mandac Diospac shutita yangapi churanguichicchu. Ñucami Mandac Dios cani.

SOFONÍAS 1:5

Huasi jahuacunapi cungurishpa, lucerocunata mañaccunatapish, ñucata adorashpa ñuca shutipi, Milcom diospac shutipi, ari niccunatapish tucuchishami.

NÚMEROS 5:21

(curallatacmi chai huarmitaca: “Ima llaquipish japichun, Mandac Dios mana alli nishpa, huicsata punguillichishpa, huahuatapish mana chari pudicta ruhuachun ninga.)

1 CORINTIOS 7:39

Cusayuc huarmica cusa causacucpica, mandashcapi nishca shinaca maita mana chicanyaipacmi, ashtahuanpish cusa huañucpica, Apunchic Jesusta cric-huanca pihuanpish cazaranallami.

DEUTERONOMIO 10:20

Mandac Diosta manchanguichic, paita servinguichic, paillata catinguichic, paillata servinguichic. Paipac shutipi ima ari nina cacpica, ari ninguichic.

DEUTERONOMIO 6:13

Mandac Diosta manchanguichic, paillata servinguichic, paipac shutillapi imatapish ari ninguichic.

HEBREOS 6:16

Gentecunaca paicunamanta yalli runapac shutipi ari nincuna. Shina ari nishca quipaca, imatapish cutinca ña mana nincunachu.

JOSUÉ 2:12

Cunanca, ñuca taitapac familiata mana llaquichingapac Mandac Diospac shutipi ari ni. Ñuca cancunata llaquishpa cuidashca shinallatac ñucanchictapish, llaquishpa cuidanguichic. Chaita pactachingapacca, shuc señalta ricuchichicyari.

JUECES 14:3

Shina nicpimi, paipac taita mamaca: —¿Can manapish circuncisionta ruhuashca, filisteopuramanta huarmihuan cazaranapac randica manachu ñucanchic aillupurapi, ñucanchic pueblopica huarmi tiyan?— nirca. Shina nicpimi, Sansonca taitataca: —Chai huarmitami munani, paihuan cazarachilla— nirca.

1 SAMUEL 20:17

Jonatanca Davidta tucui shunguhuan cuyashcamantami paita cutin ari nichirca.

1 SAMUEL 30:15

Shina nicpimi Davidca: —¿Chai shuhuac runacunapacman ñucanchicta pushai pudinguichu?— nishpa tapurca. Shina nicpimi, chai runaca: —Can ñucata mana huañuchingapac, ñuca amopac maquipipish mana churangapac Diospac shutipi ari nicpica, chai shuhuac runacunapacman pushashallami— nirca.