GÉNESIS 24:24 - Dios Rimashcata Quillcashcami

²⁴ Shina tapucpimi, chai solteraca: —Ñucaca Nacorpac shinallatac Milcapac churi Betuelpac ushimi cani.

GÉNESIS 24:24 Iomraidhean Croise

GÉNESIS 11:29

Abrampish, Nacorpish cazararcami. Abrampac huarmica Saraimi carca. Cutin Nacorpac huarmica Milcami carca. Haranca Milcapacpish, Iscapacpish taitami carca.

GÉNESIS 22:20

Chai quipami Abrahamtaca: «Cambac huauqui Nacorpac huarmi Milcapish huahuayucmi tucushca» nishpa huillarca.

GÉNESIS 22:23

Betuelca Rebecapac taitami carca. Cai pusac huahuatami Milcaca Abrahampac huauqui Nacorpactaca charirca.

GÉNESIS 24:15

Chai servic mañacucpiracmi, Betuelpac ushi Rebeca solteraca rigra jahuapi puñuta apashca ricurircalla. Betuelca Abrahampac huauqui Nacorpac shinallatac Milcapac huahuami carca.

GÉNESIS 24:23

—¿Pipac ushitac cangui? ¿Cambac taitapac huasipica ñucanchic pozangapacca ucu tiyanchu? Huillaiyari— nirca.

GÉNESIS 24:25

Ñucanchic huasipica cancuna tuta samarinapish, shinallatac camellocuna micuna ucshapish achcami tiyan— nirca.

GÉNESIS 24:47

Chai quipami ñuca tapushpaca: “¿Pipac ushitac cangui?” nicpimi paica: “Nacorpac churi Betuelpac ushimi cani, ñuca mamaca Milcami” nirca. Shina nicpica, shuc sortista singapi churachircanimi. Shinallatac maquipipish manillata churachircanimi.

GÉNESIS 29:5

Shina nicpimi Jacoboca: —¿Manachu Nacorpac churi Labanta ricsinguichic?— nirca. Shina nicpimi paicunaca: —Ari ricsinchicmi— nirca.