GÉNESIS 24:12 - Dios Rimashcata Quillcashcami

¹² Chaipi servic runa Diosta mañashpaca: «Ñuca amo Abrahamta Mandac Dioslla, alli tupangapac ayudai, ñuca amo mañashcatapish llaquishpa uyaiyari.

GÉNESIS 24:12 Iomraidhean Croise

GÉNESIS 15:1

Chai quipa, Mandac Dios Abramman muscuipi shina ricurishpaca: —Abram ama manchaichu, ñucami escudo shina, canta jarcac cani. Sumac japinatami japingui— nirca.

GÉNESIS 24:21

Chashna ruhuacpica, chai servicca: “Mandac Diosca ñuca purinapi allichu pushacun imami” nishpa, yachangapac upalla shayacurca.

GÉNESIS 24:27

«¡Ñuca amo Abrahampac Mandac Dioslla, cantaca alli nichun! ¡Canca llaquic cashpa, shinallatac imatapish cashcata nic cashpami, ñuca amopac familiapacmantac ñucataca pushamushcangui!» nirca.

GÉNESIS 24:42

Chashna nicpi, yacu junduman chayamushpa, Mandac Diosta mañashpaca: “Ñuca amo Abrahamta Mandac Dioslla, canmi ñuca purina ñanpi allita pushamushcangui.

GÉNESIS 24:48

Shinallatac cumurishpami, Mandac Diosta pagui nircani. Ñuca amota Mandac Diostaca maimi alli nircani. Paimi ñuca amopac churipac huarmi cachun, ñuca amopac huauquipac ushita apachun, allita pushamushca.

GÉNESIS 26:24

Chai tuta Mandac Dios paiman ricurishpaca: «Ñucaca, Abrahampac Diosmi cani. Ama manchaichu, ñucaca canhuanmi cani. Ñucata servic Abrahamta cuyashpami, bendiciashpa, cambac huahua huahuacunatapish achcata mirachisha» nirca.

GÉNESIS 27:10

Can chai micunata cambac taitaman cucpi, pai micushpaca, manarac huañushpami canman bendicianga— nirca.

GÉNESIS 27:20

Shina nicpimi Isaacca: —Ñuca huahualla, ¿ima shinatac utca japimunguiyari?— nirca. Shina tapucpimi Jacoboca: —Canta Mandac Diosllatacmi animalcunata ñuca ñaupapi ricuchirca— nirca.

GÉNESIS 28:13

Shinallatac Mandac Dios chai escalera jahuamantaca: «Ñucami cambac taita Abrahampac, shinallatac Isaacpac Mandac Dios cani. Can sueñushpa siricuc allpataca canman, shinallatac cambac huahua huahuacunamanmi cusha.

GÉNESIS 31:42

Abrahampacpish, ñuca taita Isaacpacpish manchana Dios mana ñucahuan cacpica, chushac maquitami cachanguiman carcangui. Shina cacpipish, Diosmi ñuca llaquilla cashcata, ñuca servishcata ricushpa, tuta ricurishpa, cantaca rimarca— nirca.

GÉNESIS 32:10

Canta servic ñucata cuyashpa, allicunata cuchunca, ima allita canmanca mana ruhuashcanichu. Ñucaca cai Jordán jatun yacutaca tauna caspi apashcallami pasarcani. Cunanca, ishcai pamba animalcunami ñucapac can.

GÉNESIS 32:9

Jacobo Diosta mañashpaca: «Taita Isaacpac, taita Abrahampac Mandac Dioslla, canmi ñucataca: “Cambac quiquin llactaman, cambac familiacunapacman cuti, ñucaca allicunatami cusha” nircangui» nirca.

GÉNESIS 43:14

Imatapish ruhuaclla Diosllatac chai mandacpac ñaupapi cancunata llaquishpa huacaichichun. Caishuc huauquitapish, Benjamintapish cacharichun, ashtahuanpish ñuca churicuna illaclla saquirina cacpica, saquirishachari— nirca.

1 REYES 18:36

Diosman animalta cushpa rupachina horas ña chayacpimi, Dios ima nishcata huillac Elías altarman cuchuyashpaca: «¡Abrahampac, Isaacpac, Israelpac Mandac Dioslla, Israel llactapica canlla Dios cashcata cunan ricuchiyari! ¡Ñucapish canta servic cashcata can mandacpi, tucui caicunata ruhuacushcatapish ricuchiyari!

2 REYES 2:14

Chaipi shayarishpami, Eliaspac saquirishca jahualla churanata japishpa yacupi huactarca. Chashna huactashpaca: «¿Eliasta Mandac Dios maipitac cangui?» nirca. Chashna nishpa huactacpimi, yacuca uraman janaman montonarirca. Chashna montonaricpimi, Eliseoca pasarca.

NEHEMÍAS 1:11

Mandac Dioslla, cantaca yallitami mañani. Canta servic ñuca mañashcatapish, cambac shutita alli ninata munac canta serviccuna mañashcatapish cambac ringrihuan uyaiyari. Canta servic ñuca alli llucshichun, chai runapac ñaupapipish alli ricurichun ayudaiyari» nishpami mañarcani. Ñucaca jatun mandacman copa vinota servicmi carcani.

NEHEMÍAS 2:4

Shina nicpimi, jatun mandacca: —¿Imatatac ruhuachun ningui?— nirca. Shina nicpimi, jahua pachapi causac Diosta mañashpa,

SALMOS 118:25

¡Mandac Dioslla, ñucata quishpichiyari! ¡Mandac Dioslla, allita pushaiyari!

SALMOS 122:6

Jerusalenpi cushi causai tiyachun mañashpaca: «Canta cuyaccunaca cushilla causachun.

SALMOS 127:1

Mandac Dios mana huasichicpica, yangallami huasichic runacunaca huasichincuna. Mandac Dios pueblota mana cuidacpica, yangallami cuidaccunaca cuidancuna.

SALMOS 37:5

Cambac causaitaca Mandac Diospac maquipi churailla. Paipi shunguta churacpica, imata cashpapish ruhuangami.

ÉXODO 3:15

Cutinllatac Diosca Moisestaca: —Israelcunataca: “Cancunapac ñaupa taita Abrahampac, Isaacpac, Jacobopac Mandac Diosmi cancunapacmanca cacharca” ningui. Cai shutica huiñaipacmi can. Cai shutitami huiñaita ricsinga.

ÉXODO 3:6

Ñucaca cambac taita Abrahampac, Isaacpac shinallatac Jacobopac Diosmi cani— nirca. Chaimantami Moisesca Diosta ricunata manchashpa paipac ñahuita taparirca.

PROVERBIOS 3:6

Imata ruhuashpapish Diosta yuyaringui. Paimi cantaca alli ñanta pushanga.

SAN MATEO 22:32

“Ñucaca Abrahampac, Isaacpac, Jacobopac Diosmi cani” ninmi. Diosca mana huañushcacunapac Dioschu, ashtahuanpish causaccunapac Diosmi— nirca.

FILIPENSES 4:6

Ama imamanta llaquiricuichicchu. Ashtahuanpish Diosta mañacushpaca, tucuita paiman huillashpa, imamantapish pagui nicuichiclla.