GÉNESIS 23:16 - Dios Rimashcata Quillcashcami

¹⁶ Chashnami Abrahamca Efronhuan parlanacushpa, Efrón mañashca cullquita Hetpac churicunapac ñaupapi pezashpa pagarca. Randina, catuna cullquipimi chuscu patsac siclos cullquita Efronmanca curca.

GÉNESIS 23:16 Iomraidhean Croise

GÉNESIS 23:15

—Riqui, ñuca mandaclla, allpaca chuscu patsac siclos cullquillami valin. Cai cullquimantaca, ¿maitatac canpish, ñucapish caita chaita nicushunyari? Cambac huarmitaca enterrailla— nirca.

GÉNESIS 43:21

Ñucanchic samanaman chayashpa, tulucunata pascacpica, ñucanchic cullquica tucuimi tiyacushca carca. Chaitami cunanca cutichingapac shamunchic.

GÉNESIS 49:29

Chaimantami Jacoboca paipac churicunataca: «Ñucaca huañunallami cani. Ña huañucpica, ñuca ñaupa taitacuna enterrashca jutcullapitac enterranguichic. Paicunataca heteocunapura Efronpac allpapimi enterrarca.

GÉNESIS 50:13

Canaán llactaman apashpami, Macpela pambapi tiyac jutcupi enterrarca. Chai allpataca Abrahammi paicuna enterraringapac heteocunapuramanta Efronman randishca carca. Chai allpaca Mamremanta inti llucshina ladomanmi saquirin.

2 SAMUEL 14:26

Absalonca paipac uma accha yalli llashac cacpimi, huatanta pitichic carca. Chai acchata jatun mandacpac pezanapi pezacpica ishcai patsac siclostami pezac carca.

2 SAMUEL 24:24

Shina nicpipish, jatun mandac Davidca jatun mandac Araunataca: —Mana, ñuca Mandac Diosman tucuita rupachinataca mana yanga chasquisha ninichu. Chaimanta mashna valishcatami pagasha nini— nirca. Chaimantami Davidca trillana eratapish, huagracunatapish pichca chunga siclos cullquipi randirca.

JOB 28:15

Yachaitaca alli curihuanpish mana randipacchu. Pezashca cullquihuanpish mana randipacchu.

ÉXODO 30:13

Tucui yupashca israelcunami carpa huasipi tiyac valishca cullquita chaupi siclosta pezashpa cunga. (Siclosca 20 gerasmi). Chaupi siclos cullquica ñucaman alzashpa cunami canga.

JEREMÍAS 32:10

Chai quipaca testigocunapac ñaupapimi randishca documentota ruhuashpa, cullquita balanzapi pezashpa curcani.

JEREMÍAS 32:9

Chaimantami Anatotpi cac, ñuca tiopac churi Hanameelpac allpataca patsac pusac chunga canchis gramos cullquita pezashpa cushpa randircani.

EZEQUIEL 45:12

Shinallatac shuc siclos cullquica ishcai chunga gerastami pezanga. Sucta chunga siclos cullquica shuc minatami pezanga.

ZACARÍAS 11:12

Chaimantami ñucaca paicunataca: «Cancuna munashpaca, ñuca trabajashcamanta pagaichic, mana cashpaca saquichiclla» nircani. Shina nicpimi, paicunaca quimsa chunga cullquita pezashpa pagarca.

SAN MATEO 7:12

Ima shinami shuccuna cancunaman allita ruhuachun ninguichic, chashnallatac cancunapish shuccunaman allita ruhuaichic. Chaitami Moisés mandashcacunapipish, Dios ima nishcata huillashcapipish nicun.

HECHOS 7:16

Unai huatacuna quipami paicunapac tullucunataca Siquem llactaman apamurca. Chai Siquem llactapimi, Abrahamca Hamorpac churicunaman enterrana allpata randishca carca. Chaipimi chai tullucunataca enterrarca.

ROMANOS 13:8

Ima mañashcataca ama charicuichicllachu, ashtahuanpish caishuc chaishuc-huan cuyanacuichic. Maijanpish cuyacca, Dios mandashcacunatami pactachin.

FILIPENSES 4:8

Cuyashca criccuna, tucuri shimicunata rimashpaca: “Tucui imapipish mana llullac canata, shuccuna munashca canata, tucui imatapish allita ruhuac canata, tucui imapipish mapa illac canata, pimanpish cuyaita ricuchic canata, shinallatac sumac, tucuipac alli nishca cana yuyaicuna tiyacpica, chaillata yuyashpa catichic” ninimi.

1 TESALONICENSES 4:6

Pacta chashna mana allita ruhuashpa, maijan huauquita umashpa mana allita ruhuanguichicman. Chashna ruhuaccunataca tucuitami Apunchic Jesusca llaquichinga.