GÉNESIS 22:5 - Dios Rimashcata Quillcashcami

⁵ Shina ricushpami paita serviccunataca: —Cancunaca caillapi burrohuan saquirichic, ñucaca huambrahuanmi Diosta allimari cangui ningapac rigrini. Chai quipaca cutishallami— nirca.

GÉNESIS 22:5 Iomraidhean Croise

GÉNESIS 22:19

Abrahamca paita serviccunapacman cutircami. Chai quipaca, tucui mashna jatarishpa, Beersebaman cutishpami, chaipi causangapac saquirirca.

GÉNESIS 22:4

Ña quimsa punzha quipami, Abrahamca carumanta chai rupachina pushtutaca ricurca.

GÉNESIS 22:6

Abrahamca rupachina yantata paipac churi Isaaman apachishpami, paica cuchillotapish, ninatapish apashpa, ishcaita rirca.

ÉXODO 24:14

Chaimantami pushac yuyaccunataca: —Ñucanchic cutingacaman cancunaca caillapi shuyacuichic. Aaronpish, Hurpish cancunahuanmi saquirin. Ima llaqui tiyacpica, paicunaman huillanguichic— nishpami saquirca.

HEBREOS 11:19

Chaica Abrahamca Diosca huañushcacunatapish causachingapac poderta charic cashcata crishpami huañuchigrircalla. Shina crishcamantami, cutin causarishcata shina paipac churitaca chasquirca.

HEBREOS 12:1

Chaimanta ñucanchic muyundipi crinamanta huillaccuna puyu shina tiyashcamantaca, ima jarcaccunatapish, pandachic juchacunatapish saquishpa, ñucanchic chayana cashcaman cushicushpa rishunchiclla.