GÉNESIS 22:3 - Dios Rimashcata Quillcashcami

³ Chai cayandi tutamanta utca jatarishpami, Abrahamca burrota parejashpa, paita ishcai serviccunatapish, paipac churi Isaactapish, rupachina yantatapish apashpa, Dios maiman richun nishcaman rirca.

GÉNESIS 22:3 Iomraidhean Croise

GÉNESIS 17:23

Dios nishca shinami chai punzhallatac Abrahamca paipac churi Ismaeltapish, paipac huasipi huacharishca serviccunatapish, randishca serviccunatapish, tucui huasipi serviccunatapish paicuna charishca asha carata pitishpa, circuncisionta ruhuarca.

GÉNESIS 21:14

Shina nicpimi, Abrahamca tutamanta utca jatarishpa micunatapish, shuc puru yacutapish Agarman curca. Shinallatac huahuatapish cushpami, caya minchacaman nishpa cacharca. Agarca Beerseba shitashca pambatami maiman chayanatapish mana yachashpa ricurcalla.

GÉNESIS 22:18

Ñuca nishcata pactachishcamantaca canmantami tucui cai pachapi causaccuna bendiciashca canga” ninmi— nirca.

GÉNESIS 22:2

Shina nicpimi Diosca: —Cambac cuyashca shuclla churi Isaacta Moriah llactaman aparishpa, ñucaman cushpa rupachi. Maijan urcupi rupachina cashcataca ñucami huillasha— nirca.

GÉNESIS 22:4

Ña quimsa punzha quipami, Abrahamca carumanta chai rupachina pushtutaca ricurca.

SALMOS 119:60

Can mandashcacunataca mana unaiyashpa, utcami pactachi callarircani.

ECLESIASTÉS 9:10

Cambac maquiman tucui shamushcata tucui fuerzahuan ruhuailla. Can rina Seolpica imata ruhuanapish, imata yuyarinapish, imata yachacunapish, alli yachaipish mana tiyanchu.

SAN MATEO 10:37

Maijanpish taita mamata ñucata yalli cuyacca, mana ñucapacchu. Maijanpish paipac huahuacunata ñucata yalli cuyacca, mana ñucapacchu.

SAN LUCAS 14:26

«Maijanpish ñucata catingapac shamushpa, taita mamata, huarmita, huahuacunata, huauquicunata, panicunata, quiquin causaita llaquicca mana ñuca yachacuc cai pudinchu.

GÁLATAS 1:16

mana israelcunamanpish paimanta huillachun paipac Churitaca ñucaman ricsichirca. Shina ricsichicpimi, pimanpish mana tapurcani.

HEBREOS 11:8

Crishcamantami Abrahampish Dios cayacpica, cazushpa Dios cusha nishca llactaman rirca. Paica maiman ricushcata mana yachashpapish llucshircallami.

JOSUÉ 3:1

Josueca cayandi tutamantami Sitim pambamanta tucui israelcunahuan, Jordán yacu ladoman chayarca. Chaipimi yacuta manarac pasashpa samarircacuna.

JOSUÉ 8:10

cayandi tutamanta utca jatarishpa, gentecunata ricungapac rirca. Chai quipaca Josuepish, israelcunata pushac yuyaccunapish gentecunapac ñaupatami Hai pueblopi causaccunahuan macanacungapac rirca.