GÉNESIS 21:8 - Dios Rimashcata Quillcashcami

⁸ Isaac ña huiñacpica, chuchumanta raquircami. Chuchumanta raquishca punzhami Abrahamca jatun micuita ruhuarca.

GÉNESIS 21:8 Iomraidhean Croise

GÉNESIS 19:3

Shina mana yaicusha nicpipish, Lot shamuichic nicurcallami. Shina nicucllapimi angelcunaca huasiman yaicurca. Lotca sumac micunata ruhuashpami, levadura illac tandatapish cararca. Shinami micurca.

GÉNESIS 21:7

¿Pitac Abrahammanca paipac huarmi Saraca huahuacunata chuchuchingami nishpa huillanman carca? Pai yuyac cacpipish, shuc churitami Abrahammanca cushcani» nirca.

GÉNESIS 21:9

Saraca Egiptomanta Agar huarmipi Abraham charishca churi Sarapac huahua Isaacta burlacucta ricurca.

GÉNESIS 26:30

Chai quipami paicunaca jatun micuita ruhuashpa micurcacuna, shinallatac ubiarcacuna.

GÉNESIS 29:22

Shina nicpimi, Labanca tucui vecinocunata cayashpa, bodata ruhuarca.

GÉNESIS 40:20

Quimsa punzha quipaca jatun mandac Faraonpac huacharishca punzha pactacpimi, jatun mandacca tucui paita serviccunaman jatun micuita caracurca. Chai serviccunapac ñaupapimi, vinota serviccunata mandacta, shinallatac tandata ruhuaccunata mandacta carcelmanta llucchimuchun cacharca.

2 SAMUEL 3:20

Shinami Abnerca ishcai chunga runacunahuan Davidman huillangapac Hebrón puebloman rirca. Shina chayacpimi, Davidca Abnermanpish, paihuan cac runacunamanpish carangapac jatun micuita ruhuarca.

1 REYES 3:15

Salomón riccharishpaca, muscuilla cashcatami yuyarca. Chaimantami Jerusalenman cutishpa, Mandac Dios ari nishcata huacaichina Arca ñaupapi Diosman animalcunata cushpa, huañuchishpa tucui rupachirca. Dios-huan alli cangapacpish animalta cushpa huañuchircami. Chai quipaca jatun micuita ruhuashpami tucui paita serviccunaman cararca.

ESTER 1:3

Quimsa huatata mandacushpami paipac quipa mandaccunaman, paita serviccunaman shuc jatun micuita ruhuarca. Chaipica Persia llactamanta, Media llactamanta macanacuc sinchi runacuna, shuctac mandaccuna shinallatac, llactata mandaccunami paihuan carca.

SALMOS 131:2

Ashtahuanpish ñuca almaca mamapac chuchumanta huahua anchurishpa cushilla cac shinami, cushilla can.

OSEAS 1:8

Gomerca paipac huahua Lo-ruhamata chuchumanta raquishpaca, cutin huicsayuc tucushpami shuc cari huahuata charirca.

JUECES 14:10

Sansonpac taitaca chai solterata ricugrircami. Chai quipaca Sansonca mosocuna ruhuac shinallatacmi paipish jatun micuita ruhuarca.

JUECES 14:12

Shina apamucpimi Sansonca: —Cunanca cai imashi imashitami huillagrini. Cancuna cai canchis punzha fiesta tucuringacaman cai imashi imata nisha nicushcata tarishpa huillacpica, ñucami quimsa chunga lino churanatapish, quimsa chunga bodapi churanatapish cusha.

1 SAMUEL 1:22

Ashtahuanpish Anaca mana rishpami paipac cusataca: —Cai huahua chuchumanta raquingacaman mana rishachu. Ña raquirishca quipami cai huahuataca paipac huasipi servishpa causachun, Mandac Diosman cushpa paipac ñaupapi saquingapac risha— nirca.

1 SAMUEL 1:24

Huahuata chuchumanta raquishca quipami, Mandac Diospac huasiman Silo puebloman apamurca. Paihuanca quimsa huatata charic becitapish, ishcai chunga ishcai kilo harinatapish, shuc puñu vinotapish aparcami. Huahuaca uchillaracmi carca.

1 SAMUEL 25:36

Shina nicpimi, Abigaíl huarmica Nabalpacman cutirca. Huasipica Nabalca jatun mandaccuna micuna shina jatun micuitami ruhuashca carca. Paipac shungupica yallita cushilla cashpami, yallita machashca carca. Shina cacpimi, Abigaíl huarmica cayandi punzhacaman imata mana huillarca.