GÉNESIS 21:23 - Dios Rimashcata Quillcashcami

²³ Cunanca, ñucatapish, ñuca churitapish, ñuca nietocunatapish, can causacushca llactapi causaccunatapish mana llaquichishpa, ashtahuanpish ñuca canman allita ruhuashca shinallatac allita ruhuangapac cunanllatac Diospac shutipi ari ni— nirca.

GÉNESIS 21:23 Iomraidhean Croise

GÉNESIS 20:14

Abimelecca Abrahamman paipac huarmi Sarata cutichishpaca, ovejacunatapish, vacacunatapish, servic caricunatapish, servic huarmicunatapish curcami.

GÉNESIS 21:24

Shina nicpimi Abrahamca: —Ari, Diospac shutipimi ari nini— nirca.

GÉNESIS 24:3

Ñuca causacuc cananeocunapac ushita ñuca churipac huarmi cachun mana apamungapac jahua pachata, cai pachata Mandac Diospac shutipi ari ni.

GÉNESIS 26:28

Shina nicpimi paicunaca: —Mandac Dios canhuan cashcatami ricushcanchic. Chaimantami ñucanchicca canhuan shuc ari ninacuita ruhuashun ninchic.

GÉNESIS 31:44

Cunanca shamui, canhuan ñucahuan alli tucungapac ari ninacushun— nirca.

GÉNESIS 31:53

Cambac taita Abrahampac, ñuca taita Nacorpac, shinallatac paicunapac Dios ñucanchicta ricuchun— nirca. Shina nicpi, Jacoboca paipac taita Isaacpac manchana Diospac shutipi ari nirca.

GÉNESIS 39:3

Paipac amoca Mandac Dios Josehuan cashcata, shinallatac José imata ruhuacpipish, Mandac Dios allita ruhuachicushcatami ricurca.

GÉNESIS 47:31

Shina nicpimi, taita Israelca Josetaca: —Shinaca chaita pactachingapac ari ni— nirca. Shina nicpimi Joseca: —Pactachishatacmi— nishpa ari nirca. José chashna nicpimi, taita Israelca Diosta pagui ningapac cama saunapi cumurirca.

JEREMÍAS 4:2

Mandac Dios ñucapac shutipi ari nishpaca, mana llullashpa cashcata nichic. Shina ruhuacpica, shuctac llactacunapi causaccunapish, ñucamantami bendiciashca canga. Ñucahuanmi cushicunga.

2 CORINTIOS 1:23

Corintoman ñuca risha nicushpapish, cancunata mana llaquichingaraicumi manarac rini. Chaitaca ñuca almata ricuc Diosllatacmi yachan.

DEUTERONOMIO 6:13

Mandac Diosta manchanguichic, paillata servinguichic, paipac shutillapi imatapish ari ninguichic.

HEBREOS 6:16

Gentecunaca paicunamanta yalli runapac shutipi ari nincuna. Shina ari nishca quipaca, imatapish cutinca ña mana nincunachu.

JOSUÉ 2:12

Cunanca, ñuca taitapac familiata mana llaquichingapac Mandac Diospac shutipi ari ni. Ñuca cancunata llaquishpa cuidashca shinallatac ñucanchictapish, llaquishpa cuidanguichic. Chaita pactachingapacca, shuc señalta ricuchichicyari.

1 SAMUEL 20:13

Ashtahuanpish ñuca taita canta llaquichisha nicushcata yachashca jahua mana huillacpica, Mandac Diosllatac sinchita, ñucata llaquichichun. Mandac Diosca ñuca taitata pushashca shinallatac cantapish alli pushachun.

1 SAMUEL 20:17

Jonatanca Davidta tucui shunguhuan cuyashcamantami paita cutin ari nichirca.

1 SAMUEL 20:42

Chai quipami Jonatanca Davidtaca: «Imatapish mana manchashpa rilla. Ñucanchicca ishcaitami Mandac Diospac ñaupapi: “Mandac Dios cantapish, ñucatapish, cambac huahuacunatapish, ñucapac huahuacunatapish huiñaita ricuchun” nishpami ari nircanchic» nirca. Shina nicpimi, Davidca jatarishpa rirca. Shinallatac Jonatanpish puebloman cutirca.

1 SAMUEL 30:15

Shina nicpimi Davidca: —¿Chai shuhuac runacunapacman ñucanchicta pushai pudinguichu?— nishpa tapurca. Shina nicpimi, chai runaca: —Can ñucata mana huañuchingapac, ñuca amopac maquipipish mana churangapac Diospac shutipi ari nicpica, chai shuhuac runacunapacman pushashallami— nirca.