GÉNESIS 21:22 - Dios Rimashcata Quillcashcami

²² Chai huatacunallatacmi jatun mandac Abimelecca paipac soldadocunata mandac Ficolhuan shamushpa Abrahamtaca: —Tucui imata ruhuanapipish Diosca canhuanmi.

GÉNESIS 21:22 Iomraidhean Croise

GÉNESIS 20:14

Abimelecca Abrahamman paipac huarmi Sarata cutichishpaca, ovejacunatapish, vacacunatapish, servic caricunatapish, servic huarmicunatapish curcami.

GÉNESIS 20:17

Chaimantami Abrahamca Abimelecmantapish, paipac huarmimantapish, paita servic huarmicunamantapish Diosta mañarca. Chashna mañacpica alliyarcami, shinallatac huarmicunaca cutinllatac huahuacunayuc tucurcami.

GÉNESIS 20:2

Abrahamca chaipica paipac huarmi Sarataca: «Ñuca panimi» nicmi carca. Chaimantami Gerar llactata jatun mandac Abimelecca Sarata apamuchun cacharca.

GÉNESIS 26:26

Jatun mandac Abimelecca Gerar llactamantami paipac ricsishca Ahuzothuan, paipac soldadocunata mandac Ficolhuanmi Isaac-huan parlangapac shamurca.

GÉNESIS 26:28

Shina nicpimi paicunaca: —Mandac Dios canhuan cashcatami ricushcanchic. Chaimantami ñucanchicca canhuan shuc ari ninacuita ruhuashun ninchic.

GÉNESIS 28:15

Ñucaca canhuanmi cani, can maita ricpipish, cuidashpami, cai allpaman cutichimusha. Can ñuca nishcata pactachingacaman cantaca manatac saquishachu» nirca.

GÉNESIS 30:27

Shina nicpimi Labanca: —Cambac ñahuipi alli ricurishca cacpica, caipi saquirilla. Canmanta Dios ñucaman bendiciashcataca yachanimi.

GÉNESIS 31:5

Chaiman chayacpimi Jacoboca: —Cancunapac taita mana utcapi shina cuyac cashcatami ricushcani. Shina cacpipish, ñuca taitapac Diosca ñucahuanmi cashca.

2 SAMUEL 24:7

Quipataca muyundita pircashca Tiro puebloman, tucui heveocunapac, cananeocunapac pueblocunamanmi rirca. Tucurinataca Judá llacta Neguev pambapi tiyac Beerseba pueblomanmi chayarca.

2 CRÓNICAS 1:1

Davidpac churi Salomonca paita Mandac Dios paihuan cacpimi, pai mandanapica yallita jatunyarca. Shinallatac pai mandanatapish pi mana cuyuchipac sinchitami ruhuarca.

ISAÍAS 45:14

Mandac Diosca: «Egiptopi causaccuna ima charishcapish, Etiopía llactapi randishcapish, Sabá llactapi causac jatun runacuna charishcapish cambacmi tucunga. Cambac huashataca cadenahuan huatashcami catingacuna. Cambac ñaupapi llaquilla tucushpa cumurishpaca: “Diosca canhuantacmari. Shuctac Diosca mana tiyanchu.

ISAÍAS 8:10

Diosca ñucanchic-huanmi. Chaimanta imata yuyarishcaca yangallami canga. Imata ruhuasha nishcapish mana pactangachu» nirca.

ZACARÍAS 8:23

Chai punzhacunapica tauca llactacunamanta chican rimaicunata rimac chunga runacunami shamunga. Paicunaca Judá llactamanta runata jahualla churanapi japirishpa: “¡Ñucanchicpish cancunahuan rinatami munanchic. Mandac Diosca cancunahuan cactami yachanchic!” ninga» nirca.

SAN MATEO 1:23

Chai huillaccunaca: «Manarac carihuan chayarinacushca shuc solterami, huicsayuc tucushpa, shuc cari huahuata charinga. Chai huahuaca Emanuel shutimi canga» nishcami. (Emanuel nishpaca: «Dios ñucanchic-huan» nisha ninmi).

ROMANOS 8:31

Shina cacpica, ¿imatatac nishun? Dios ñucanchic-huan cacpica, ¿pitac ñucanchictaca llaquichi pudinga?

1 CORINTIOS 14:25

Shinallatac paipac shungupi tucui ima yuyacushcatapish mana pacashpa huillangami. Chashnami Dios cancunahuan cashcata yachashpa, cumurishpa, Diosta “allimari cangui” ninga.

HEBREOS 13:5

Diosca: «Mana saquishachu, manatac cungarishachu» nishcami. Chaimanta cancunaca charishcallahuan cushi caichic. Ama chayucyana yuyailla caichicchu.

JOSUÉ 3:7

Chashna nishca quipami Mandac Diosca Josuetaca: «Cunan punzhamanta pachami cantaca israelcunapac ñaupapi jatunyachigrini. Chashna ruhuacpimi, Moises-huan ima shinami carcani, chashnallatac canhuanpish, cashcata yachangacuna.

APOCALIPSIS 3:9

Ñucaca Satanaspac tandanacuimantami maijan manapish israelcuna cashpa, ‘israelcunami canchic’ nishpa llullaccunataca cambac ñaupapi cungurichisha. Chashna ruhuacpimi ñuca canta cuyashcataca yachangacuna.

1 SAMUEL 24:22

Shina nicpimi, Davidca Saulman ari nirca. Chai quipaca Saulca paipac huasiman cutircami. Shinallatac Davidpish paipac runacunandimi miticushcallamanta cutirca.

1 SAMUEL 3:19

Samuelca huiñarcami, Mandac Diospish paihuanmi carca. Chaimantami Dios rimashca shimicunata tucui pactachirca.