GÉNESIS 21:16 - Dios Rimashcata Quillcashcami

¹⁶ Paipac cari huahua huañucta mana ricungaraicumi caruman rishpa flecha maicaman chayac shinapi tiyarirca. Chai chimbapurapi mama tiyacucpimi, huahuaca sinchita huacai callarirca.

GÉNESIS 21:16 Iomraidhean Croise

GÉNESIS 21:15

Puru yacuca tucuricpica, paipac huahuataca shuc yura cuchupimi tiyachishpa saquirca.

GÉNESIS 27:38

Shina nicpimi Esauca: —¡Ñuca taitalla! ¿Manachu ñucamanpish bendicionta charingui? Ñuca taitalla, ¡ñucamanpish bendicionta cuiyari!— nirca. Shina nishpami, caparishpa huacarca.

GÉNESIS 29:11

Shinallatac Jacobo Raquelta muchashpa, sinchita huacashpaca:

GÉNESIS 44:34

¿Ima shinatac ñuca taitapacmanca cai huambra illacllaca chayagrishayari? Ñuca taita huambrata mana ricushpa, llaquiricucta ricushpaca, ñucapish llaquirishami— nirca.

1 REYES 17:12

Chashna nicpimi, chai huarmica: —¡Canta Mandac Diospac shutipimi nini: Cusashca tandataca mana charinichu! ¡Maqui junda harinallatacmi puñupi charini! Aceitetapish ashallatami pomapi charini. Cunanca, ishcailla yantatami ñuca cari huahuahuan tandata ruhuashpa micungapac murucuni. Caita micushpaca huañushunllami— nirca.

1 REYES 3:26

Shina nicpi, causacuc huahuapac mamaca: —¡Aij ñucata mandaclla ama huañuchichu! Chaipac randica chai huarmiman cuilla— nirca. Ashtahuanpish caishuc huarmica: —Ñucapacpish, cambacpish ama cachun chaupichunlla— nirca.

ESTER 8:6

¿Maitatac ñuca llacta gentecuna llaqui tucucucta ricucushayari? ¿Maitatac ñuca llacta gentecunata huañuchishpa tucuchicuctaca chapacushayari?— nirca.

ISAÍAS 49:15

Chaimantami Mandac Diosca: «¿Shuc mamaca paipac huahuata cungaringachu? ¿Paipac huicsapi huiñashca huahuataca piñangachu? Chai mama cungaricpipish, ñucaca cantaca manatac cungarishachu.

JEREMÍAS 6:26

Chaimantami ñucaca: «Ñuca llactapi causaccunalla, sharpa churanata churarishpa, uchupapi singüichicyari. Shuclla huahua huañushcamanta llaquiric shina, yana churanata churarishpa, caparishpa huacaichicyari. Ñucanchicta tucuchicca ñallami shamunga» nircani.

AMÓS 8:10

Cancunapac cushicuna fiesta punzhacunataca, llaqui punzhacunatami ruhuasha. Tucui cancunapac cantocunataca huañuipi cantanatami ruhuasha. Sharpa churanatami churachisha. Chashnami llaquirishpa, acchata pitinga. Chaipica, shuclla churi huañushcamanta shinami huacanga. Tucurina punzhaca yalli llaqui punzhacunami canga.

ZACARÍAS 12:10

Davidpac huahuapuramanpish, Jerusalenpi causaccunamanpish cuyac shunguta, shinallatac ñucata mañana yuyaitami yallita cusha. Shina cucpimi, paicunaca ñucata chugrichic shina llaquichishcata ricunga. Chaimantami shuclla churi huañushcamanta shina, punta churi huañushcamanta shina, yallita llaquirishpa huacanga.

SAN LUCAS 15:20

Chaimantami jatarishpa, paipac taitapacman cutirca. Ña cutimucucpica, paipac taitaca caruta shamucuctami ricurca. Chashna ricushpami, yallita llaquishpa, tupangapac llucshishpa, ucllarishpa mucharca.

JUECES 2:4

Mandac Diospac ángel chashna nicpica, tucui israelcunami caparishpa huacai callarirca.

RUT 1:9

Cancuna cazarashpa cancunapac cusacunapac huasipi causacucpi, Mandac Dios sumac cushi causaita cuchun— nirca. Shina nishpami Noemica muchashpa caya minchacaman nirca. Ashtahuanpish paicunaca sinchita huacashpami:

1 SAMUEL 24:16

David chashna nishca quipami Saulca: —¿Manachu ñuca churi Davidllatac cashna nicungui?— nirca. Shina nishpami Saulca sinchita huacarca.

1 SAMUEL 30:4

Chaita ricushpami Davidpish, paihuan puric runacunapish huacanata mana pudingacaman caparishpa huacarca.