GÉNESIS 20:17 - Dios Rimashcata Quillcashcami

¹⁷ Chaimantami Abrahamca Abimelecmantapish, paipac huarmimantapish, paita servic huarmicunamantapish Diosta mañarca. Chashna mañacpica alliyarcami, shinallatac huarmicunaca cutinllatac huahuacunayuc tucurcami.

GÉNESIS 20:17 Iomraidhean Croise

GÉNESIS 12:17

Ashtahuanpish Mandac Diosca Abrampac huarmi Saraimantami Faraontapish, paipac huasi ucupi causaccunatapish llaquichirca.

GÉNESIS 20:7

Cunanca, cai huarmita paipac cusaman cutichi. Paica ñuca ima nishcata huillacmi. Paica can ama huañuchunmi, ñucata mañanga. Cai huarmita mana cutichishpaca, canpish, canhuan causaccunapish huañunguichictacmi» nirca.

GÉNESIS 29:31

Mandac Diosca Jacobo Leata mana munacucta ricushpami, Leataca huahuata charicta ruhuarca. Cutin Raqueltaca huahuata mana charic pudictami ruhuarca.

ESDRAS 6:10

Chai animalcunataca jahua pachapi causac Diosman rupachishpa, mishquillata ashnachichun, shinallatac ñucapac causaimantapish, churicunapac causaimantapish mañachunmi cuna canguichic.

JOB 42:8

Cunanca canchis becita, canchis carnero ovejata cancunamanta ñucaman cushpa, tucui rupachichun ñucata servic Jobman cugrichic. Ñucata servic Jobmi cancunamanta ñucata mañanga. Pai mañashcatami ñucaca uyasha. Pai mañacllapimi, cancunataca ñucamanta mana allita huillashca cacpipish, mana yallita llaquichisha. Cancunaca ñucata servic Job shinaca mana huillarcanguichicchu» nirca.

PROVERBIOS 15:29

Mandac Diosca paita mana manchaccunamanta carupimi. Ashtahuanpish cashcata ruhuaccuna mañacpica uyanmi.

PROVERBIOS 15:8

Mandac Diosca paita mana manchaccuna animalta cushpa rupachishcataca millanayachinmi. Ashtahuanpish allita ruhuaccuna mañacpica cushicunmi.

ISAÍAS 45:11

Israelcunata ruhuac jucha illac Mandac Diosca: «¿Quipa punzha ima tucunatachu tapunguichic? ¿Ñuca maquihuan ruhuashca huahuacunamantachu tapunguichic?

NÚMEROS 12:13

Shina nicpimi Moisesca: «¡Mandac Dioslla, Mariataca cunanllatac allichiyari!» nishpa caparishpa mañarca.

NÚMEROS 21:7

Chaimantami israelcuna Moisespacman rishpaca: «Ñucanchicca Mandac Diostapish, cantapish rimarishpami juchallishcanchic. Cunanca tucui cai culebracuna ñucanchic chaupimanta anchurichun, Mandac Diosta mañashpa cui» nirca. Chashna nicpimi, Moisesca tucui israelcunamanta Diosta mañarca.

SAN MATEO 21:22

Tucui shunguhuan crishpa, Diosta mañashpaca japinguichicmi— nirca.

SAN MATEO 7:7

Diosta mañaichic, paica cungami. Mashcaichic, taringuichicmi. Huasiyuc nichic, paica pascangami.

HECHOS 3:24

Dios ima nishcata huillac Samuelmanta callarishpami, tucui huillaccuna cai punzhacunapi ima tucunamantaca huillashca.

FILIPENSES 4:6

Ama imamanta llaquiricuichicchu. Ashtahuanpish Diosta mañacushpaca, tucuita paiman huillashpa, imamantapish pagui nicuichiclla.

1 TESALONICENSES 5:25

Cuyashca criccuna, ñucanchicmanta Diosta mañaichic.

SANTIAGO 5:16

Alliyashca cangapacca, ima mana allita ruhuashcacunatapish caishuc chaishuc huillanacuichic. Caishuc chaishucmanta Diosta mañaichic. Cashcata ruhuac Diosman mañacpica, imatapish pactachingallami.