GÉNESIS 20:16 - Dios Rimashcata Quillcashcami

¹⁶ Shinallatac Sarataca: —Riqui, cambac turimanca huaranga cullquitami curcani. Chai cullquimi canhuan cac tucui gentecunapac ñaupapi yuranlla paño shina, chuya cashcata ricuchinga. Chaimantami cantaca pi mana juchanchinga— nirca.

GÉNESIS 20:16 Iomraidhean Croise

GÉNESIS 20:17

Chaimantami Abrahamca Abimelecmantapish, paipac huarmimantapish, paita servic huarmicunamantapish Diosta mañarca. Chashna mañacpica alliyarcami, shinallatac huarmicunaca cutinllatac huahuacunayuc tucurcami.

GÉNESIS 20:5

¿Manachu Abrahamllatac: “Ñuca panimi” cutin huarmica: “Ñuca turimi” nirca? Chaimantami ñuca chuya maquihuan, alli shunguhuan apamushpa, chaita ruhuarcani» nirca.

GÉNESIS 24:65

Shina uricushpa chai servictaca: —¿Pitac chai pambata ñucanchicpacman shamucun?— nirca. Shina nicpimi, chai servicca: —Paimi ñuca amoca— nirca. Shina nicpimi, Rebecaca ñahuita pacana pañohuan ñahuita pacarca.

GÉNESIS 26:11

Chaimantami Abimelecca tucui chai llactapi causaccunataca: —Maijanpish chai runata, mana cashpaca huarmita tuparishpa, llaquichicca huañungami— nishpa rimarca.

PROVERBIOS 12:1

Yachachishcata uyac runaca alli yachaitami cuyan. Ashtahuanpish cunashcata mana uyacca imatapish mana yachacmi.

PROVERBIOS 25:12

Imatapish uyaclla, yachaisapa runata jarcashpa rimac runaca curi zarcillo shina, ashtahuan alli curimanta ruhuashca sumac huallca shinami.

PROVERBIOS 27:5

Pacalla cuyanapac randica, ñahui ñahui rimana alli.

JONÁS 1:6

Shina sueñucucpimi, chai barcota purichiccunata mandacca: «¿Ima nishpatac canca sueñucunguilla? ¡Jatarishpa, cambac diosta mañai! Pai ñucanchicta llaquishpa quishpichingapishchari» nirca.

APOCALIPSIS 3:19

Ñucaca tucui cuyashcacunatami rimani, shinallatac llaquichini. Chaimanta can juchayuc cashcamanta llaquirishpa Diosman cutirishpa, Diospaclla cai.