GÉNESIS 2:9 - Dios Rimashcata Quillcashcami

⁹ Mandac Diosca chai huertapica tucuilaya sumac micunalla granocunata pucuc yuracunatami huiñachirca. Shinallatac huerta chaupipica causaita cuc yuratapish, alli cashcata, mana alli cashcata yachachic yuratapish huiñachircami.

GÉNESIS 2:9 Iomraidhean Croise

GÉNESIS 2:17

Ashtahuanpish alli cashcata, mana alli cashcata yachachic yuramantaca ama micunguichu. Ima punzhami chai yuramanta micungui huañunguitacmi» nirca.

GÉNESIS 3:22

Shinallatac Mandac Diosca: «Runaca ñucanchic shinallatacmi allitapish, mana allitapish yachac tucushca. Cunanca, maquita chutashpa chai huiñai causaita cuc yuramantaca mana micunachu can. Chaita micushpaca, huiñaitami causanga» nirca.

GÉNESIS 3:24

Runata llucchishpaca, Edén huerta inti llucshina ladomanmi querubincunata churarca. Shinallatac huiñai causaita cuc yurapi ama pi chayarichunca, chai muyunditami rupacuc shuc espadata cuidachun churarca.

GÉNESIS 3:3

ashtahuanca chai huerta chaupipi tiyac yurallamantami Diosca: “Ama micunguichicchu, shinallatac ama tuparinguichicchu. Chai yuramanta micushpaca huañunguichicmi” nircami— nirca.

GÉNESIS 3:5

ima punzhami chai yuramanta micunguichic, chai punzhami ñahui pascaricpi, Dios shina tucunguichic, shinallatac allitapish, mana allitapish yachanguichicmi. Chaitaca Diosca yachanmi— nirca.

PROVERBIOS 11:30

Cashcata ruhuac runaca causaita cuc yura shinami. Alma quishpirichun huillac runaca yachaisapami.

PROVERBIOS 3:18

Paita ucllarishpa causaccunamanca causaita cuc yura shinami can. Cai alli yachaita chariccunaca yallitami cushicun.

ISAÍAS 44:25

Yachaccuna ricuchishcatapish ñucami yangapi churani. Brujocunatapish ñucami muspachini. Yachac runacuna imata yachashcatapish ñucami huashaman cutichishpa, yangapi churani.

ISAÍAS 47:10

Canca: “Ñucataca pipish mana ricucunchu” yuyashpami, jatun mana allicunata ruhuana yuyailla causarcangui. Can yachacushcallatac, cambac alli yuyaicunallatacmi cantaca pandachirca. Cambac shungupica: “Ñucallami cani, ñucamanta ashtahuan shucca mana tiyanchu” yuyarcanguimi.

EZEQUIEL 31:16

Chai yurata tigrachicpimi, tucui llactapi causaccunaca chucchunga. Huañushcacunahuan pacta Seolman cachacpica, Edén huertapi tiyac acllashca yuracunapish, Líbano urcupi tiyac tucuimanta yalli sumac yuracunapish, yacuta sungac yuracunapish cushicungami.

EZEQUIEL 31:18

Can sumac cashcatapish, jatun tucushca cashcatapish, ¿Edén huertapi tiyac yuracunamantaca maijan yurahuantac chimbapurashayari? Ashtahuanpish Edén huertapi tiyac yuracunandimi allpa ucupi shitashca cangui. Circuncisionta mana ruhuashca gentecunahuan, jatun macanacuipi huañushcacunahuan pactami ucuman ringa. Cai yuraca Faraonmantapish, chaipi causac gentecunamantapishmi nisha nin” ninmi ningui» nirca.

EZEQUIEL 47:12

Cutin cai ishcai yacucuna patapica caishuc ladomanpish, chaishuc ladomanpish chican granocunata pucuc yuracunami huiñanga. Pangacunapish mana urmangachu, micunapish chai yuracunapica mana tucuringachu. Ashtahuanpish cada quillami mushuc granota pucunga. Chai yacucunaca Diospaclla huasimantami llucshicunga. Chaimantami chai yuracunapi granoca pucuna punzhacunallapitac pucunga. Granoca micungapac, pangacunaca jambiringapacmi alli canga.

SAN JUAN 6:48

Ñucami causaita cuc tandaca cani.

1 CORINTIOS 8:1

Cunanca ruhuashcalla dioscunaman animalcunata huañuchishpa, cushca aichata micunamantami huillasha. Ari, imapish cashcata ruhuanamantaca tucuimi yachanchic. Shina cashpapish chai yachaicunaca jatun tucuna yuyaitami apamun. Ashtahuanpish cuyanacushpa causashpami, tandanacushca criccunaca sinchiyanga.

DEUTERONOMIO 6:25

Mandac Dios nishca shina, cai mandashcacunata paipac ñaupapi tucuita ruhuashpami, imatapish cashcata ruhuashun ninguichic” nirca.

APOCALIPSIS 2:7

Maijanpish ringrita charicca, Diospac Espíritu tandanacushca criccunaman ima nicushcata uyachun. Maijanpish millaita mishacmanca Diospac llactapi cac causaita cuc yuramantami carasha” ninmi.

APOCALIPSIS 22:14

Maijanpish causaita cuc yuramanta micungapacpish, chai puebloman punguta yaicungapacpish churanata tacshariccunamanca, ¡mai cushicuimi canga!

APOCALIPSIS 22:2

Chai pueblopi tiyac jatun ñan chaupita callpacuc yacu ishcai ladopimi, causaita cuc yuraca carca. Chai yuraca quillanta pucushpami, huatapica chunga ishcai cutin pucun. Shinallatac pangacunapish gentecunata jambingapac allimi can.