GÉNESIS 2:2 - Dios Rimashcata Quillcashcami

² Diosca pai ruhuana cashcataca canchis punzhapimi tucuchirca. Tucuita ruhuashpaca, canchisniqui punzhapica samarircami.

GÉNESIS 2:2 Iomraidhean Croise

GÉNESIS 1:31

Diosca tucui pai ruhuashcacunataca mai alli cashcatami ricurca. Chashnami chishiyashpa, suctaniqui punzha tucurca.

GÉNESIS 2:3

Chai canchisniqui punzhatami Diosca bendiciashpa, paipaclla cachun ruhuarca. Chai punzhapimi Diosca tucui cai pachapi ruhuanata tucuchishpa samarirca.

ÉXODO 23:12

Sucta punzhallatac trabajangui. Ashtahuanpish canchisniqui punzhapica samaringui. Chashnami cambac huagratapish, burrotapish, canta servicpac churitapish, pozashpalla caccunatapish samachingui.

ÉXODO 31:15

Sucta punzhatami trabajana. Ashtahuanpish canchisniqui punzhaca ñucapaclla chicanyachishca samana punzhami. Chaimantami chai punzhapica ñucata yuyarina canguichic. Maijanpish chai punzhapi imatapish ruhuacca huañuchishcami canga.

ÉXODO 31:17

Samana punzhaca ñucahuanpish, israelcunahuanpish shuc señalmi can. Mandac Dios ñucaca sucta punzhapimi jahua pachatapish, cai pachatapish ruhuarcani. Ashtahuanpish canchisniqui punzhapica imata mana ruhuashpami samarircani” ninmi ningui» nirca.

ISAÍAS 58:13

Ñucapaclla chicanyachishca samana punzhata huacaichishpa, chai punzha “jucha illac”, “Mandac Dios ñucata cushichina punzha”, cashcata yuyacpi, chai punzhata “alli nina punzhami” nishpa, chai punzhapi samaricpica,

SAN JUAN 5:17

Ashtahuanpish Jesusca: —Ñuca Taitaca cunancamanmi caicunataca ruhuacun. Ñucapish caicunata ruhuacunimi— nirca.

DEUTERONOMIO 5:14

Ashtahuanpish canchisniqui punzhaca Mandac Dios ñucapaclla chicanyachishca samana punzhami. Chai punzhapi can shina canta servic caripish, servic huarmipish samarichunca, cambac churipish, ushipish, cambac huasipi causac shuctac llacta runapish imata ama ruhuanachu canguichic. Shinallatac cambac huagratapish, burrotapish, shuctac animalcunatapish ama imata ruhuachinguichu.

HEBREOS 4:10

Chaica, yaicuccunaca Dios tucuita ruhuashpa samarishca shinami, Dios-huan samaringapac yaicunga. Paicuna imata ruhuashcamantapish samaringami.

HEBREOS 4:4

Dios quillcachishcapica samarina punzhamantaca: “Diosca tucuita ruhuashca quipaca, canchis punzhapica samarircami” ninmi.