GÉNESIS 2:16 - Dios Rimashcata Quillcashcami

¹⁶ Chashna churashpami, Mandac Diosca chai runataca: «Tucui huertapi tiyac yuracunapi pucushcata micui pudinguimi.

GÉNESIS 2:16 Iomraidhean Croise

GÉNESIS 1:29

Chai quipami Diosca: «Riquichic, cai allpapi tiyac muyuta pucuc yuracunatapish, micuna granota pucuc granotapish, muyuta cuc yuracunatapish cunimi. Tucui caicunamantami micui pudinguichic.

GÉNESIS 2:15

Mandac Diosca chai Edén huertapimi pai ruhuashca runataca trabajashpa, cuidashpa causachun churarca.

GÉNESIS 2:9

Mandac Diosca chai huertapica tucuilaya sumac micunalla granocunata pucuc yuracunatami huiñachirca. Shinallatac huerta chaupipica causaita cuc yuratapish, alli cashcata, mana alli cashcata yachachic yuratapish huiñachircami.

GÉNESIS 3:3

ashtahuanca chai huerta chaupipi tiyac yurallamantami Diosca: “Ama micunguichicchu, shinallatac ama tuparinguichicchu. Chai yuramanta micushpaca huañunguichicmi” nircami— nirca.

1 TIMOTEO 4:4

Dios ruhuashcacunaca, tucuimi alli. Chaimantami Diosta pagui nishpa, imatapish mana millashpa chasquina canchic.

1 TIMOTEO 6:17

Cai pachapi achcata chariccunataca: “Ama jatun tucushpa, chingarinalla charishcapi ama shunguta churangui” nishpa rimangui. Chaipac randica, ñucanchicman imallatapish atic aticta cushpa cushichic Diospi shunguta churachun ningui.

1 SAMUEL 15:22

Shina nicpimi Samuelca: —Mandac Diosca, ¿paiman cushpa, tucui rupachicpi, paiman animalcunata cushpa huañuchicpichu cushicunga? Ashtahuanpish pai mandashcata cazunami Diosman animalta huañuchinatapish ashtahuan yalli alli can. Shinallatac ovejacunapac huirata cunapac randica pai nishcata uyanami ashtahuan alli can.