GÉNESIS 19:4 - Dios Rimashcata Quillcashcami

⁴ Ashtahuanpish paicuna manarac sueñungapac siriricpimi, Sodomamanta tucui gentecuna shamushpa, Lotpac huasita muyurcacuna. Huambracunamanta callarishpa, yuyaccunacamanmi tucui tandanacushpa muyurcacuna.

GÉNESIS 19:4 Iomraidhean Croise

GÉNESIS 13:13

Sodomapi causaccunaca millai gentecuna, mancharina juchacunata ruhuashpa, Mandac Diosta piñachiccunami carca.

GÉNESIS 18:20

Chaimantami Mandac Diosca: —Cai Sodomapi, Gomorrapi causaccunaca yallita millai gentecunami nishpa caparinacuctami uyani. Paicunapac juchacunaca yallitami miraricun.

ÉXODO 16:2

Tucui tandanacushca israelcuna shitashca pambapi cashpaca Moisestapish, Aarontapish piñashpa rimarircacunami.

ÉXODO 23:2

Taucacuna millaita ruhuashun nicpipish, ama paicunata catinguichu. Ama taucacuna llullashcallamanta pitapish llaquichinguichu.

PROVERBIOS 4:16

Paicunaca ima millaita mana ruhuashpaca, mana sueñuncunachu. Pitapish mana pandachishpaca, sueñuitapish mana charincunachu.

PROVERBIOS 6:18

shungupi millaillata ruhuanata yuyacta, mana allita ruhuangapac callpacta,

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

MIQUEAS 7:3

Paicunapac maquica ima mana allita ruhuangapac yachachishcami. Jatun mandaccunaca mana allita ruhuangapacmi imatapish cuchun mañacun. Juezcunaca imata pacalla japishpami mandan. Mandacpish, paipac shungu munashcatami riman. Chashnami allita ruhuanataca saquin.

ROMANOS 3:15

Chaquicunapish huañuchingapac callpacunmi.

JUECES 19:22

Chashna cushilla cacpimi chai pueblopi causac millai runacuna chai huasita muyunacushpa pungupi huactashpa chai yuyac runataca: —¡Cambac huasipi pozashpa tiyaccunahuan chayarinacungapac canzhaman llucchi!— nirca.