GÉNESIS 19:35 - Dios Rimashcata Quillcashcami

³⁵ Chai tutaca cutinllatacmi taitaman vinota ubiachishpa, quipa ushica taitahuan sueñurca. Ashtahuanpish taitaca ima horas siririshcatapish, ima horas jatarishcatapish mana yacharcachu.

GÉNESIS 19:35 Iomraidhean Croise

GÉNESIS 19:34

Cayandi punzhaca punta ushica quipa ushitaca: —Riqui, caina tutaca ñucanchic taitahuanmi sueñurcani. Cunan tutapish cutinllatac vinota ubiachishpa machachishun, paihuan sueñungui. Chashna sueñushpami, ñucanchic taitamanta huahua huahuacunata charishun— nirca.

GÉNESIS 19:36

Chashnami Lotpac ishcai ushicunaca taitapacta huicsayuc tucurca.

SALMOS 8:4

Chaita ricushpami ñucaca: «¿Runataca ima cacpitac yuyaringui? ¿Ima cacpitac huañuclla runataca ricungapac shamungui?» nirca.

PROVERBIOS 24:16

Chaica, cashcata ruhuac runaca canchis cutin urmashpapish jataringallami. Ashtahuanpish Diosta mana manchaccunaca jatun llaquipimi urmanga.

ECLESIASTÉS 7:26

Tuclla shina, linchi shina shunguta charic, huatana huascata shina maquita charic huarmica huañuitapish yalli jayac cactami ricurcani. Diosta cushichic runallami chai huarmimantaca quishpiringa. Ashtahuanpish juchayuc runaca, chai huarmihuanmi prezushca shina saquiringa.

SAN LUCAS 21:34

Cancunallatac alli yuyarichic. Pacta machanallapi, micunallapi, cai pachapi imatapish charinallapi yuyashpa causacunguichicman. Pacta cancuna mana yuyashca horas chai punzhaca chayamunman.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Diosta mañaracuichiclla.