GÉNESIS 19:30 - Dios Rimashcata Quillcashcami

³⁰ Ashtahuanpish Lotca Zoarpi causanata manchashpami, paipac ishcai ushicunandi huichaiman rishpa, urcupi causangapac rirca. Chaipica shuc machaipimi ishcai ushicunandi causai callarirca.

GÉNESIS 19:30 Iomraidhean Croise

GÉNESIS 13:10

Shina nicpimi, Lotca huichailla ricushpaca, Jordán tucui pambata ricurca. Chai pambaca Edén huerta shina, parcuc yacuyuc, shinallatac Mandac Dios manarac Sodomata, Gomorrata tucuchicpi, Zoar llacta chimba ladopi cac Egipto llacta shinami carca.

GÉNESIS 14:22

Shina nicpimi, Abram Sodoma pueblota jatun mandactaca: —Can: “Ñucami cantaca chayucyachini” ama nichunmi, jahua pachatapish, cai pachatapish ruhuac Mandac Diosman

GÉNESIS 19:17

Chashna llucchishpaca: —Cancuna quishpirisha nishpaca, ama huashata chapanguichicchu. Shinallatac chai pambacunapipish ama shayaringuichicchu, ashtahuanpish urcupi miticugrichic, mana cashpaca huañunguichicmi— nirca.

GÉNESIS 19:19

Cancunata servic ñucaca cancunapac ñahuipica allimi ricurishcani. Huañuimanta quishpichishpami, mai cuyashcata ricuchishcanguichic. Shina cacpipish, urcuman miticungapac mana ri pudishachu. Manarac chayacpimi, llaqui japishpa huañuchinga.

GÉNESIS 49:4

Canca yacu callpacuc shina, mana jarcaric cashpami, ñuca sueñuna camapi, ñuca caishuc huarmihuan sueñushpa, mana allita ruhuarcangui. Chaimanta ña mana punta churichu cangui.

ISAÍAS 15:5

Ñucaca Moab llactapi causaccunamantami caparishpa, tucui shunguhuan huacacusha. Chai llactamanta miticushpa riccunaca Zoar llactamanmi callpanga. Luhit huichaitami huacashpa huacashpa ringa. Horonaimman rina ñantami llaquinayaita caparishpa ringa.

JEREMÍAS 48:34

Hesbón runacuna caparishpa huacashcaca Eleale llactacaman, shinallatac Jahaza pueblocamanmi uyarirca. Zoarmantaca Horonaimcaman, Eglat-selisiyacamanmi uyarirca. Nimrim yacucunapish chaquishcami.

DEUTERONOMIO 34:3

Neguev llactata, Jericó pambacunatapish, palmacuna tiyac llactatapish Zoar llactacamanmi ricuchirca.

SANTIAGO 1:8

Chashna mana shuc yuyailla cac runaca tucui causaipimi mana alli causan.