GÉNESIS 19:24 - Dios Rimashcata Quillcashcami

²⁴ Shina cacpica, Mandac Diosca Sodomapipish, Gomorra pueblopipish jahua pachamanta azufrehuan rupacuc ninatami tamyachirca.

GÉNESIS 19:24 Iomraidhean Croise

GÉNESIS 13:10

Shina nicpimi, Lotca huichailla ricushpaca, Jordán tucui pambata ricurca. Chai pambaca Edén huerta shina, parcuc yacuyuc, shinallatac Mandac Dios manarac Sodomata, Gomorrata tucuchicpi, Zoar llacta chimba ladopi cac Egipto llacta shinami carca.

GÉNESIS 13:12

Abramca Canaanpimi causai callarirca. Cutin Lotca chai pugru pambapi tiyac llactacunapimi Sodoma pueblocaman caipi chaipi carpa huasicunata shayachishpa, causai callarirca.

GÉNESIS 18:17

Chaipimi Mandac Diosca: «Ñuca imata ruhuagricushcataca Abrahammanca, ¿mana huillashpa pacashachu?

GÉNESIS 19:23

Ña inti llucshicucpimi, Lotca chai Zoarman chayarca.

JOB 1:16

Chaita huillacucllapitacmi shuc runa shamushpaca: —¡Jahua pachamanta Diospac nina shamushpami ovejacunatapish, michiccunatapish rupachishpa tucuchin! Chaita huillangapacmi ñucalla saquirircani— nirca.

JOB 18:15

Paipac huasipica, mana paipac huasipi shinami causanga. Paipac huasi jahuapica azufremi shic-huashca canga.

SALMOS 11:6

Mandac Diosca millaicunapac jahuapica ninatapish, rupacuc azufretapish tamyachingami. Tucuita tucuchic tamya huairatapish cachangami. Tucui caicunami copamanta ubiana llaquicuna shina canga.

ÉXODO 9:23

Moisés varata huichaiman alzacpica, Mandac Diosca relampa ninahuan jaguin nichishpa, rayocunata urmachishpami runduta tamyachirca.

ISAÍAS 1:9

Mandac Dios ñucanchicta ashallatapish mana saquishca cacpica, Sodoma, Gomorra shinami, chingarinchicman carca.

ISAÍAS 13:19

Tucui llactamanta yalli sumac Babilonia llactapish, chaipi causac mai alli nishca caldeocunapish Dios ñucallatac tucuchishca Sodoma, Gomorra shinami tucuringa.

ISAÍAS 30:33

Asiria llacta jatun mandacta llaquichingapacca utcamanta pachami Tofet jatun hornota huacaichishpa charicun. Chai jatun hornoca achca yantahuanmi rupacyachicun. Mandac Dios chai hornota pucucpica, azufre rupacuc shina culun ningami.

JEREMÍAS 20:16

Chai runaca Mandac Dios mana llaquishpa tucuchishca llacta shina cachun. Chai llactapica tutamantaca llaquihuan caparishca uyarichun. Chaupi punzhaca macanacuipi caparishca uyarichun.

JEREMÍAS 23:14

Shinallatac Jerusalenmanta huillaccunataca mana ricuipaccunata ruhuacuctami ricurcani. Paicunaca huainayashpa juchacunata ruhuashpa, llullashpallami purincuna. Shinallatac mana allita ruhuaccunatami cushichin. Chaimantami ñucapacmanca pipish mana cutin. Ñuca ñaupapica tucui paicunami Sodoma pueblopi causaccuna shina. Cutin Jerusalenpi causaccunaca Gomorrapi causaccuna shinami.

JEREMÍAS 49:18

Chai llactaca Sodoma, Gomorra llactacunata, chai muyundi pueblocunata tucuchishca shinami saquiringa. Shucllapish mana saquiringachu, pipish mana causangachu.

JEREMÍAS 50:40

Ñuca Sodomata, Gomorrata, chai muyundi llactacunata llaquichicpi, llaqui tucurca, chashnallatacmi Babilonia llactapish tucunga. Chaipica pi ña mana causangachu. Huiñaitami shitashca saquiringa. Chaitaca Mandac Dios ñucami nini.

LAMENTACIONES 4:6

Ñuca llactapi causaccunaca Sodomapi causaccunamanta yalli juchatami ruhuashca. Chai puebloca manapish pi llaquichicpimi, cungailla chingarirca. Chai pueblotaca pipish mana ayudarcachu.

OSEAS 11:8

Efraín aillulla, ¿cancunataca imatac shitashpa saquishayari? Israelcunalla, ¿imatac shuccunapac maquipi saquishayari? Cancunataca, ¿imatac Adma llactata shina, mana cashpaca Zaboím llactata shina llaquichishayari? Ashtahuanpish cancunataca shungupi nanarishpami yuyaricunilla.

AMÓS 4:11

Sodomata, Gomorrata llaquichishca shina, yallita llaquichicpi, cancuna mana tucui rupashca caspi shina cashpapish, mana ñucapacman cutirircanguichicchu. Chaitaca Mandac Dios ñucami nini.

SOFONÍAS 2:9

Tucuita Mandac Dios ñuca shutipimi nini: Moabitacunaca Sodoma shina, amonitacunaca Gomorra shinami tucunga. Chaipica chinicuna jundashca pamba, cachita llucchina pushtu tucushpami, huiñaita shitashca canga. Ñuca acllashcapuramanta maijan saquirishcacunami paicuna ima charishcacunataca apanga. Paicunallatacmi allpacunataca japinga ninmi.

SAN LUCAS 10:12

Ñucaca: Taripana punzhapica, Sodoma pueblopi causaccunata yallimi chai pueblopi causaccunaca llaquita apanga.

DEUTERONOMIO 28:24

Mandac Diosca cancunapac allpamanca tamyapac randica uchupata, ñuto allpatami cielomanta cancuna tucuringacaman llaquichinga.

DEUTERONOMIO 29:22

Cancunapac churicunapish, huahua huahuacunapish, caru llacta runacunapish Mandac Dios cai llactaman jatun plagacunata, jatun ungüicunata cachashcata ricushpaca:

DEUTERONOMIO 29:23

“Azufrehuan, cachihuan rupashca allpaca imata tarpucpipish mana pucungachu. Ima quihuapish mana huiñangachu. Sodoma, Gomorra, Adma, Zeboim, llactacuna shinami tucushca. Chai llactacunataca Mandac Diosmi nina japiric shina piñarishpa, tucui tucuchirca” ninga.

2 PEDRO 2:6

Chashnallatacmi Sodoma pueblopi, Gomorra pueblopi causac millai gentecunataca uchupayangacaman rupachirca. Chashna ruhuashpaca, quipaman causac millai gentecuna chashnallatac tucuna cashcata ricuchingapacmi, chashnaca ruhuarca.

SAN JUDAS 1:7

Chashnallatacmi Sodoma pueblopi, Gomorra pueblopi shinallatac chai cuchulla pueblocunapi causaccunapish huacllirishpa, caricunapura, huarmicunapura chayarinacushpa, millaillapi causarcacuna. Chaimantami huiñaita rupacuc ninapi llaquita aparcacuna. Cunan punzha causaccuna ricushpa yuyarichunmi, chashnaca tucurca.

APOCALIPSIS 14:10

Diosmanta shamuc jatun llaquitami imahuan mana chagrushca vinota vasopi tallishpa ubiac shina Diospac piñaitaca chasquinga. Chaicunaca Pactalla Ovejapac ñaupapi, shinallatac Diospaclla cac angelcunapac ñaupapimi ninahuanpish, azufrehuanpish llaquichishca canga.