GÉNESIS 19:2 - Dios Rimashcata Quillcashcami

² Chashna cumurishpaca: —Ñuca amitocunalla, cancunata servic ñuca huasipi pacaringapac shamuichic, chaipi chaquitapish jahuanguichic. Cayaca ñanta catishpa ringuichicllami— nirca. Shina nicpimi angelcunaca: —Mana, cunan tutaca canzhallapimi pacarishun— nirca.

GÉNESIS 19:2 Iomraidhean Croise

GÉNESIS 18:4

Cancunapac chaquita jahuangapac yacuta apamungacaman shuyaichic, quipaca yura llandupi samaringuichic.

GÉNESIS 19:1

Ña chishiyagricucpimi, ishcai angelcunaca Sodoma puebloman chayarca. Chai pueblo yaicunapimi Lotca tiyacurca. Angelcuna ricuricpica, paicunata chasquingapacmi jatarishpa pambacaman cumurirca.

GÉNESIS 19:3

Shina mana yaicusha nicpipish, Lot shamuichic nicurcallami. Shina nicucllapimi angelcunaca huasiman yaicurca. Lotca sumac micunata ruhuashpami, levadura illac tandatapish cararca. Shinami micurca.

GÉNESIS 24:31

Labán chaiman chayashpaca: —Mandac Dios bendiciashca runa, allimi shamushcangui. ¿Imamantatac cai canzhapi saquiringuiyari? Ñami huasipica can samarinatapish, camellocuna maipi huatanatapish allichircani— nirca.

GÉNESIS 43:24

Shinami chai mayordomoca paicunata Josepac huasiman pushashpa, yacuta curca. Chashna cucpica, chaquicunata jahuarircami. Shinallatac burrocunamanpish micunata cararcami.

2 SAMUEL 11:8

Chashna tapushca quipaca Uriastaca: «Huasiman rishpa, chaquicunata maillarigri» nirca. Chashna cachacpi, mandashpa tiyana huasimanta Urías llucshishpa rishca quipaca, micunatami carachun cacharca.

JOB 31:32

(Carumanta shamuccunatapish mana canzhapi saquishpami, ucuman yaicuchi carcani).

PROVERBIOS 25:17

Vecinopac huasiman ama yallita ringuichu. Pacta canta mana ricusha nishpa piñai callarinman.

CANTARES 5:3

Chashna cayacpica ñucaca: «Ñami churanata llucchircani. ¿Maitatac cutinca churarishayari? Ñami chaquicunatapish jahuarcani. ¿Maitatac cutinca mapayachishayari?» nircani.

SAN LUCAS 7:44

Chaimantami huarmita ricuchishpa, Simontaca: —¿Cai huarmi ruhuashcata ricunguichu? Ñuca cambac huasiman yaicumucpica, chaquita jahuangapacca yacullatapish mana curcanguichu, ashtahuanpish cai huarmica paipac huiquihuanmi ñuca chaquitaca jucuchishpa acchahuan chaquichin.

SAN JUAN 13:5

Chashnashpaca, yacuta bateapi churashpami, yachacuccunapac chaquita jahuashpa, lienzohuan chaquichi callarirca.

HECHOS 16:15

Chai huarmi paipac tucui familiandi bautizarishpaca: —Apunchic Jesusta ñuca cric cashcata yachashpaca, ñuca huasipi pozaichic— nirca. Chashna nishpami, ñucanchictaca saquichirca.

HEBREOS 13:2

Huasiman chayaccunata alli chasquinguichic. Maijancunaca pi cashcata mana yachashpa chasquishpami, angelcunata chasquishca carca.