GÉNESIS 18:9 - Dios Rimashcata Quillcashcami

⁹ Chai quipaca runacunaca: —¿Maipitac cambac huarmi Saraca?— nirca. Chashna tapucpimi Abrahamca: —Carpa huasi ucupimi— nirca.

GÉNESIS 18:9 Iomraidhean Croise

GÉNESIS 18:10

Shina nicpimi paicunaca: —Cunan shina shamuc huatami caiman cutimusha. Chaica, chashnatacmi canga. Chai punzhami cambac huarmi Saraca shuc cari huahuata charinga— nirca. Chashna parlanacucuctaca Saraca Abrahampac huasha carpa huasi pungupimi uyashpa shayacurca.

GÉNESIS 18:8

Abrahamca lechetapish, mantequitapish, yanushca beci aichatapish apamurcami. Abrahamca paicuna micungacamanca yura ladopimi shayacurca.

GÉNESIS 24:67

Chai quipami Isaacca Rebecata paipac mama Sara causana carpa huasiman pushashpa, paihuan cazararca. Isaacca Rebecata mai cuyashpaca, paipac mama huañushcamanta llaquilla cashpapish cushillami tucurca.

GÉNESIS 3:9

Chaimantami Mandac Diosca runataca: —¿Maipitac cangui?— nishpa cayarca.

GÉNESIS 31:33

Labanca Jacobopac, Leapac shinallatac ishcai servic huarmicunapac carpa huasiman yaicushpapish paipac dioscunataca mana tarircachu. Leapac carpa huasimanta llucshishpaca, Raquelpac carpa huasimanmi yaicurca.

GÉNESIS 4:9

Chaimantami Mandac Diosca Caintaca: —¿Maipitac cambac huauqui Abelca?— nirca. Shina nicpimi Cainca: —Mana yachanichu. ¿Ñucaca ñuca huauquita cuidacchu cani, imatacyari?— nirca.

TITO 2:5

alli yuyaihuan purishpa quiquinllatac huacaichiriccuna, alli nishca caccuna, cusata cazuccuna, shinallatac huasipi ima tiyashcata alli ricuccuna cachun yachachingacuna. Shina cacpimi, Diosmanta huillashcataca pipish mana allichu nishpa mana rimangacuna.

HEBREOS 11:9

Pai crishcamantami, Dios cushca shucpac llactapi pozashpa causarca. Paica Dios cushami nishcataca chasquic Isaac, Jacobo shinami carpa huasicunapi causarca.