GÉNESIS 18:8 - Dios Rimashcata Quillcashcami

⁸ Abrahamca lechetapish, mantequitapish, yanushca beci aichatapish apamurcami. Abrahamca paicuna micungacamanca yura ladopimi shayacurca.

GÉNESIS 18:8 Iomraidhean Croise

GÉNESIS 18:7

Abrahamca huagracuna shayanaman rishpami, shuc ashtahuan alli becita acllashpa yanuchun, servic runaman curca.

GÉNESIS 18:9

Chai quipaca runacunaca: —¿Maipitac cambac huarmi Saraca?— nirca. Chashna tapucpimi Abrahamca: —Carpa huasi ucupimi— nirca.

GÉNESIS 19:3

Shina mana yaicusha nicpipish, Lot shamuichic nicurcallami. Shina nicucllapimi angelcunaca huasiman yaicurca. Lotca sumac micunata ruhuashpami, levadura illac tandatapish cararca. Shinami micurca.

NEHEMÍAS 12:44

Chai punzhapica imapish yalli valishcacunata, Diosman cushcacunata, punta pucushcacunata, chungamanta shucta cushcacunata, huacaichina ucuta cuidachunmi churarca. Paicunataca pueblo muyundi pambacunapi pucushcacunata, shinallatac mandashcapi nishca shina curacunaman, levitacunaman cungapac apamushcacunata tandachichunmi churarca. Judá llactapi causaccunaca curacunapish, levitacunapish Diosta servicucpica yallitami cushicurca.

ISAÍAS 7:15

Chai huahuaca ima alli cacta, mana alli cacta yachangacamanmi mantequillata, abeja mishquillata micushpa causanga.

ISAÍAS 7:22

Chai animalcuna achca lecheta cucpimi, mantequillata micushpa causanga. Cai llactapi tucui saquirishcacunami mantequillata, abeja mishquita micushpa causanga.

SAN LUCAS 12:37

Chashna chaparacucpi amo chayamucpimi, serviccunamanca mai cushicui canga. Chai amoca pai quiquinllatacmi serviccuna churarinata churarishpa, paicunata mizaman tiyachishpa micunata caranga, chashnami canga.

SAN LUCAS 17:8

Mana chashna ninguichicmanchu. Chaipac randica: “Utca mudarishpa, micunata ruhuashpa, ñucamanrac carai, ubiachi, quipata micunguillami, ubianguillami” ninguichicmanmi.

SAN LUCAS 24:30

Paicunahuan micungapac tiyacushpami, tandata japishpa, Diosta pagui nishpa, chaupishpa paicunaman curca.

SAN LUCAS 24:43

Chaita japishpami, paicunapac ñaupallapitacmi micurca.

SAN JUAN 12:2

Chaipimi Jesusman shuc cenata ruhuarca. Chaitaca Martami caracurca. Lazaropish Jesus-huanmi mizapi micushpa tiyacurca.

HECHOS 10:41

Mana tucuimanchu ricuchirca. Ñucanchic imalla ricushcata huillachun, Dios ñaupaman acllashcacunallamanmi ricuchirca. Huañushcacunapuramanta Jesús causaricpica, ñucanchicca paihuanmi micurcanchic, ubiarcanchic.

GÁLATAS 5:13

Cuyashca criccuna, cancunataca ña ama huatashca shina causachunmi cayarca. Cunanca “ña mana huatashca shinachu canchic” nishpaca, imapish mana alli munaicunataca ama ruhuanguichicchu. Chaipac randica caishuc chaishuc-huan cuyanacushpa, ayudanacushpa causaichic.

DEUTERONOMIO 32:14

Vaca leche mantequillatapish, oveja lechetapish, maltón oveja huirahuan, cari oveja huirahuanmi cararca. Basanmanta cari chivohuan, tucuimanta yalli alli trigohuanmi cararca. Sumac uvas vinotami ubiachirca.

APOCALIPSIS 3:20

Ñucaca huasiyuc nishpami pungupi huactashpa shayacuni. Maijanpish ñuca rimashcata uyashpa punguta pascacpica, paipacman yaicushpa paihuan micushami, paipish ñucahuan micungami.

JUECES 13:15

Chaimantami Manoaca Mandac Diospac angeltaca: —Ñucanchic manadamanta shuc chivota huañuchishpa, canman yanungacaman ashata shuyai— nirca.

JUECES 5:25

Sísara yacuta mañacpica, lechetami curca. Jatun mandaccuna ubiana vasopimi leche natasta curca.